Բոլոր ծառայությունները մեկ հարթակում

Սանտեխնիկայի վերանորոգումը լուրջ և պատասխանատու գործ է։ Յուրաքանչյուր սխալ կարող է հետագայում լուրջ խնդիրներ առաջ բերել՝ ընդհուպ մինչև հարևանի տան ջրով ողողվելը։ Նման խնդիրներից զերծ մնալու, ինչպես նաև գեղեցիկ, վերանորոգված լոգասենյակ ունենալու համար պետք է դիմել միայն հմուտ վարպետի։ Կարևորելով այս հանգամանքը՝ մենք մեծ լրջությամբ ենք մոտենում մասնագետների ընտրությանը։ Բոլոր վարպետները հմուտ են և ունեն բազմամյա փորձ։

Այս բաժնում ներառված են բնակարանների, առանձնատների, գրասենյակային և այլ տարածքների կապիտալ ու առօրյա մաքրումը՝ ժամավճարով։ Աշխատակիցները օպտիմալ ժամկետներում և բարեխղճորեն են կատարում իրենց աշխատանքը։ Առկա է նաև առօրյա հարցերում օգնականի ծառայություն, ով կօգնի իրականացնել վարագույրների լվացում, արդուկում և կախում, սպասքի լվացում և դասավորում ու կենցաղային այլ բնույթի աշխատանքներ։ Գործում է նաև վերանորգումից հետո մաքրության ծառայություն։ Ծառայության սակագնի մեջ ներառված չեն մաքրման ժամանակ օգտագործվող նյութերը։

Այստեղ առաջարկվում են բնակարանների, առանձնատների, գրասենյակային տարածքների կոսմետիկ և կապիտալ վերանորոգում, ներքին և արտաքին հարդարման աշխատանքներ։ Այս բաժնում կարող եք գտնել վերանորոգման և շինարարության հետ կապված յուրաքանչյուր աշխատանք։ Աշխատանքները կատարվում են սեղմ ժամկետներում։ Բոլոր մասնագետներն ունեն բարձրակարգ տեխնիկական գիտելիքներ և բազմամյա աշխատանքային փորձ։

Բաժնում ներկայացված են բնակարանների, առանձնատների և գրասենյակային տարածքների ջեռուցման համակարգերի նախագծման և տեղադրման աշխատանքները։ Կատարվում են ամեն ծավալի աշխատանքներ՝ բազմահարկ առանձնատներում, մեծ բնակարաններում, գրասենյակներում և այլ տարածքներում։ Կատարվում է նաև տարբեր չափսերի պատերի ծակում և խողովակների անցկացում, ծխատար անցքերի բացում: 

Էլեկտրիկի ծառայությունն ամենապահանջված ծառայություններից է հարթակում։ Համապատասխան բաժնում կարող եք գտնել էլեկտրականության հետ կապված ծառայությունների մեծ ցանկ։ Հմուտ վարպետները կկատարեն բնակարանների, օֆիսային տարածքների մոնտաժման և ապամոնտաժման, ինչպես նաև ջահերի, գեյզերների և վարդակների տեղադրման ու վերանորոգման աշխատանքներ։

Բոլորը ցանկանում են ունենալ խնամված կանաչ այգի՝ գեղեցիկ ու առողջ ծաղիկներով։ Այս բաժնում կարող եք գտնել այգեպանության հետ կապված բոլոր ծառայությունները (հողի փխրեցում, բույսերի և ծառերի տնկում, էտում, սիզամարգերի (газон) տեղադրում և այլն)։ Սպասարկվում են ինչպես առանձնատներին հարող այգիներ, այնպես էլ գրասենյակային և բիզնես կենտրոնների այգիներ։ Հմուտ և փորձառու մասնագետները կարող են նաև խնամել Ձեր սենյակային բույսերը, եթե Ձեզ հարկավոր լինի երկար ժամանակով բացակայել տվյալ վայրից։ Այցը կատարվում է Ձեր նշված օրն ու ժամին, իսկ մասնագետները վստահելի են և պարտաճանաչ։

Այս բաժնում առաջարկվում է համակարգիչների և նոութբուքների մասնագիտացված վերանորոգում և ծրագրային սպասարկում։ Մասնագետը կայցելի Ձեր տուն կամ գրասենյակ և Ձեր աչքի առաջ կվերանորոգի այն։ Իրականացվում են համակարգչի դիագնոստիկա, անհրաժեշտ վերանորոգման աշխատանքներ, համակարգչի համապատասխան կարգավորումներ, ինչը դրական ազդեցություն է ունենում սարքի աշխատանքի արագության վրա։ Կատարվում է նաև ջնջված և վնասված ֆայլերի վերականգում։ Varpet հարթակի մասնագետներն ունեն երկար տարիների փորձ, ինչն էլ թույլ է տալիս կարճ ժամանակում հայտնաբերել և վերացնել խնդիրները։

Բաժինն իր մեջ ներառում է մեծ կենցաղային տեխնիկայի (սառնարան, լվացքի մեքենա, ջեռոց, գազօջախ, օդորակիչ և այլն) նորոգման, դիագնոստիկայի, պահեստամասերի փոխարինման ծառայությունները։ Սպասարկումը կատարվում է միայն հմուտ և փորձառու մասնագետների կողմից։ Մասնագետի այցը կատարվում է պատվիրատուի նշած օրն ու ժամին. վարպետները վստահելի են։ 

Եթե նախատեսել եք վերանորոգում, շինարարություն կամ պարզապես իրերի տեղափոխություն, ապա այս բաժինը Ձեզ համար է։ Այստեղ կարող եք գտնել մասնագետների, ովքեր որակյալ կերպով կիրականացնեն տարատեսակ ուժային աշխատանքներ, այդ թվում՝ քանդման աշխատանքներ և շինաղբի տարհանում։ Առկա է նաև կահույքի քանդման, հավաքման և տեղափոխման ծառայություն։ Բոլոր վարպետները փորձառու են և հմուտ։