fbpx
3-03-2020

Տան վերանորոգում. ինչպես և ինչից սկսել

Վերանորոգումը հեշտ է սկսել, բայց դժվար է ավարտել:

Այս պնդումը հաճախ կարելի է լսել: Սակայն, այն ճիշտ է միայն այն դեպքում, երբ չկա հստակ նպատակ և
գործողությունների մանրամասն ծրագիր:

Այս հոդվածում մենք կպատմենք Ձեզ, թե ինչպես կարող եք այդ ամենը կազմակերպել: Հոդվածն ընթերցելիս
Դուք կիմանաք, թե ինչպես որոշել վերանորոգման տեսակը և դիզայնը: Կկարողանաք նաև հասկանալ,
հաշվարկել և կազմել վերանորոգման աշխատանքների արժեքը: Կծանոթանաք տների վերանորոգման
աշխատանքների հերթականությանն ու սենյակի հարդարման տարբերակներին: Բացի այդ, կներկայացնենք
նաև օգտակար խորհուրդներ, որոնք կարող են օգնել Ձեզ խուսափել մի շարք սխալներից:

Դրսում գարնանային հրաշք եղանակ է. ճիշտ ժամանակն է սկսել այդքան սպասված վերանորոգումը:

Ի դեպ, Varpet-ի օգտատե՞ր եք. հոդվածում կարող եք ծանոթանալ նաև մեր գործընկեր խանութ- սրահների
կողմից Varpet հավելվածի օգտատերերին տրամադրված զեղչերի մասին:
Հետաքրքրեց, դե ինչ, ուրմեն, առաջ շարժվենք։

Ինչից սկսել տան վերանորոգումը

Ինչպես ցանկացած գործունեության տեսակի համար, վերանորոգման դեպքում ևս պետք է ամենասկզբից
լրջորեն և վճռական տրամադրվել: Բացի այդ, պետք է նաև հստակ գիտակցել, թե ինչ եք ցանկանում
ստանալ վերջնական փուլում:

Օգտակար խորհուրդ: Վիզուալիզացրեք Ձեր երազանքը՝ ընտրելով համապատասխան էսքիզներ կամ
գեղեցիկ լուսանկարներ:

Նախապատրաստական փուլում Ձեզ պետք կգա գրիչ, մատիտ և հաշվիչ, նաև նոթատետր: Այս առարկաները
միշտ պետք է ձեռքի տակ լինեն մինչև աշխատանքների ավարտը: Նոթատետրում անհրաժեշտ է գրել կամ
պատկերել մտքին եկած գաղափարներն ու ամրագրել հաշվարկները: Համապատսախան թղթապանակում
որպես հուսալի վայր կարող եք դնել անդորրագրերը, չեկերը, գծագրերն ու նախագծերը:

Անհրաժեշտ է անմիջապես որոշել վերանորոգման ուղղությունն ու տեսակը

Օգտակար խորհուրդ: Եթե տունը բնակելի է, կարելի է վերանորոգումը բաժանել փուլերի: Օրինակ,
սկզբում իրականացնել ճակատի ձևավորումը կամ սահմանափակվել առանձին նույնիսկ մեկ սենյակի
բարեկարգմամբ:

Կարևոր է որոշել վերանորոգման տեսակը, որից ելնելով ընտրվելու է հետագա պլանավորման ողջ
գործընթացը: Վերանորոգումը կարող է լինել.

  • կապիտալ,
  • կոսմետիկ,
  •  եվրովերանորոգում:

Կապիտալ վերափոխումը ենթադրում է որոշակի փոփոխությունների մտցնում շինության դիզայներական
ձևավորման և նույնիսկ հատակագծի մեջ: Այդ գործընթացը կարող է ներառել պատերի և հատակի
ապամոնտաժում, նոր պատուհանների, դռների տեղադրում, կոմունիկացիաների ամբողջովին փոխարինում:
Առանց մասնագետների օգնության կապիտալ վերանորոգումը չափազանց դժվար է իրականացնել:

Կարևոր է: Տան հաստատված նախագծում լրջագույն միջամտության դեպքում կարող է հատուկ լիազոր
մարմիններին դիմելու անհրաժեշտություն առաջանալ:

Կոսմետիկ վերանորոգումը տարբերվում է իր պարզությամբ: Այն հնարավոր է իրագործել նույնիսկ
սեփական ուժերով: Այս տարբերակի իրագործումը պահանջում է ավելի քիչ ջանքեր, շինարարական
հմտություններ և բյուջետային ներդրումներ: Մասնագետները խորհուրդ են տալիս նման աշխատանքներ
իրականացնել յուրաքանչյուր 5-6 տարին մեկ:

Տան եվրովերանորոգումը վերանորոգման աշխատանքների մեջ ընդունված է համարել որպես
առանձնահատուկ կատեգորիա: Ըստ էության, այս դեպքում բնակարանը ենթակա է ամբողջական
վերանախագծման՝ եվրոպական ստանդարտներին համապատասխան: «Եվրովերանորոգում»
հասկացությունն ուղղակիորեն կապված չէ Եվրոպայի հետ, այլ պարզապես վկայում է աշխատանքի բարձր
որակի և փաստացի ամբողջական նորացման մասին:

Վերանորոգման այս տեսակն աշխատանքի ծավալով գրեթե հավասար է կապիտալին, սակայն
տարբերություններ այնուամենայնիվ կան: Եվրովերանորոգումը ներառում է տան վերաձևափոխում.
միջնապատերի ապամոնտաժում, լրացուցիչ հիմնապատերի տեղադրում, պատուհանների և դռների
փոխարինում. կարող է նախատեսել երկու կամ ավելի սենյակների միացում, շինության ձևի փոփոխություն,
ջեռուցման համակարգերի, ջրամատակարարման և ջրահեռացման ցանցերի ամբողջական փոխարինում և ոչ
միայն: Ի դեպ, եվրովերանորոգումը նախատեսում է լոգասենյակի ամբողջական վերափոխում:

Դիզայնի ընտրությունը

Նյութերի բազմազանությունն ու ժամանակակից տեխնոլոգիաների հասանելիությունը թույլ են տալիս տան
ձևավորման անսպասելի և նույնիսկ ֆանտաստիկ գաղափարները կյանքի կոչել:

Կարևոր է: Տան դիզայնը նախևառաջ պետք է համապատասխանի սեփականատերերի ճաշակին, քանի որ
տունը հարմարավետության և հանգստության կղզի է, որտեղ ընտանիքը ծախսում իր ժամանակի մեծ մասը:

Կարևոր է: Ինտերիերի դիզայնը անհրաժեշտ է որոշել մինչև նախագծի կազմումը, քանի որ դրանից
կախված կլինի նյութի ընտրությունը: Յուրաքանչյուր շինություն կարող է անհատական լինել:

Նախագծի մշակումը պատասխանատու աշխատանք է. հենց դա է պատճառը, որ մասնագետների
ծառայությունները թանկ արժեն: Տան վերջնական դիզայնը մտածվածին համապատասխանելու համար
անհրաժեշտ է նախագծային փաստաթղթերը գրագետ կազմել, որը հասկանալի կլինի ինչպես
պատվիրատուին, այնպես էլ շինարարներին:

Աշխատանքի կազմակերպման տարբերակները

Տան վերանորոգումը կարելի է իրականացնել սեփական ձեռքերով, իսկ ավելի պատասխանատու
հատվածները վստահել մասնագետներին: Կարող եք նաև ամբողջությամբ վաստահել վարպետներին՝ նրանց
հնարավորություն տալով կատարել աշխատանքի ամբողջ ծավալը:

Ինքնուրույն վերանորոգումը թույլ է տալիս զգալիորեն խնայել նյութական միջոցները, սակայն, այն
բարձրանում է որակի ռիսկը, իսկ վերանորոգման իրականացման ժամանակը երկարում է: Այսպես,
աշխատանքների կազմակերպման համար անհրաժեշտ են որոշակի հմտություններ, և, եթե Դուք այդ ամենին
չեք տիրապետում, ապա ավելի լավ է ռիսկի չդիմել: Մինդեռ թեթև կոսմետիկ վերանորոգման
իրականացումը կարող եք ամբողջովին ինքնուրույն կատարել:

Օգտակար խորհուրդ: Եթե նախատեսվում եք մեծածավալ աշխատանքներ իրականացնել, ավելի լավ է դիմել
մասնագետների օգնությանը: Նրանք կարող են կանխատեսել այն նրբությունները, որոնք միշտ չէ, որ
նկատելի են: Բացի այդ, նրանք վերանորոգումը կարող են իրականացնել հնարավորինս կարճ ժամկետում:

Սեփական տանը վերանորոգման նախագծման և իրականացման փուլերը

Նախագծի մշակումը հանդիսանում է տան վերանորոգման կարևոր մաս: Այն պատասխանատու աշխատանք
է, ուստի մասնագետի ծառայությունները քիչ չարժեն: Կարևոր է որոշել նաև վերանորոգման
իրականացման ժամանակը:

Ի գիտություն: Ամենալավը վերանորոգումը տարվա տաք եղանակին կատարելն է: Ընդ որում պետք է հաշվի
առնել, որ այդ ժամանակ աճում է ոչ միայն պահանջարկը, այլև մասնագետների ծառայությունների և
նյութերի գինը: Հետևաբար այդ հարցերն ավելի լավ է նախօրոք լուծել:

Օգտակար խորհուրդ: Աշխատանքների վճարման եղանակը անհրաժեշտ է նախապես քննարկել: Խորհուրդ է տրվում ընտրել վճարման փուլային տարբերակը: Այս եղանակը ոչ միայն կթեթևացնի Ձեր ֆինանսական
բեռը, այլ նաև թույլ կտա նվազագույն ծախսեր կրել ցածրորակ աշխատանքի պատճառով պայմանագրի
խզման դեպքում:

Շինարարական շուկայի գներին ծանոթանալը կօգնի Ձեզ նախահաշվի հաջող կազմման գործում: Դրա
համար կարևոր է ոչ միայն անցնել խանութներով, այլև ուսումնասիրել գներն ինտերնետում:

Ինքնուրույն նախահաշիվ կազմելը բավականին բարդ է: Որպես օրինակ կարելի է օգտվել տների
վերանորոգման պատրաստի նախահաշիվներից: Ճիշտ հաշվարկներ կատարել հնարավոր է նաև հատուկ
օնլայն-հաշվիչների օգնությամբ, նմանատիպ օրինակներ կարող եք հանդիպել համացանցում:

Ի գիտություն: Նախքան տան վերանորոգումը սկսելը անհրաժեշտ է հաշվի առնել միջոցների պահուստը
անկանխատեսելի ծախսերի համար: Այսպես, առկա գումարին անհրաժեշտ է ավելացնել ևս 20%: Այն
թույլ կտա օպերատիվորեն վերացնել նախագծի փոփոխման կամ նյութերի թանկացման հետ կապված
խնդիրները:

Վերանորոգման հերթականությունը սենյակում

Գոյություն ունի սենյակների վերանորոգման իրականացման որոշակի հերթականություն: Խորհուրդ է
տրվում հետևել աշխատանքների կատարման հետևյալ հաջորդականությանը.

  1. Շինության վերաձևափոխման դեպքում թույլատվական փաստաթղթերի ստացում: Թեթև
    վերանորոգում կատարելու դեպքում այդ ամենի անհրաժեշտությունը չկա:
  2. Պատերի, անցքերի և միջնապատերի ապամոնտաժում: Շինարարական աղբի հավաքում:
  3.  Նոր միջսենյակային միջնապատերի մոնտաժ (անհրաժեշտության դեպքում):
  4.  Պատուհանների փոխարինում:
  5.  Հաղորդակցությունների մոնտաժում, որն ավելի լավ է սկսել էլեկտրալարերից, այնուհետև
    անհրաժեշտության դեպքում տեղադրել տաք հատակը, այնուհետև անցնել կոյուղու և
    ջրամատակարարման խողովակների կազմակերպմանը: Անհրաժեշտ է հաշվի առնել նաև
    հեռուստատեսային և ինտերնետ մալուխի տեղադրումը, հզոր սարքերի համար հողանցումը:
  6. Հատակի լցոնումը: Ընդ որում՝ պետք է հաշվի առնել, որ դրա չորանալու համար կպահանջվի
    առնվազն մեկ ամիս:
  7. Շինության հարդարումը: Դա տան վերանորոգման ամենահաճելի փուլն է: Երբ սվաղից, ներկելուց
    և պաստառները փակցնելուց հետո սենյակը գեղեցիկ տեսք է ձեռք բերում:

Օգտակար խորհուրդ: Վերանորոգման նյութերը ավելի լավ է ձեռք բերել ամբողջությամբ և միանգամից.
մեծածախ գնումների դեպքում շատ հաճախ զգալի զեղչեր են անում: Ի դեպ, պետք է նախատեսել հատուկ
վայր և համապատասխան պայմաններ նյութերի պահպանման համար:

Սենյակի հարդարման աշխատանքների տարբերակներ

Հարդարման աշխատանքները կատարվում են տարբեր սցենարներով: Օրինակ, նախ կարելի է սվաղել
պատերը և առաստաղը, իրականացնել դրանց մաքրումը: Այնուհետև պետք է ներկել առաստաղը, փակցնել
պաստառները, փռել հատակի ծածկույթը և կպցնել շրիշակը (плинтус):

Ի գիտություն: Եթե սենյակում նախատեսում եք ձգվող առաստաղի տեղադրում, ապա առաջին հերթին անում են դա, այնուհետև կպցնում են առաստաղի շրիշակը, և միայն դրանից հետո են փակցնում պաստառները և կատարում մնացած աշխատանքները:

Դռների տեղադրումը կարող է կատարվել ինչպես նախքան պաստառների փակցնելը, այնպես էլ դրանից
հետո: Սակայն ամեն դեպքում շրջանակի տեղադրումը պետք է իրականացնել մինչ պատերի սվաղելը:
Հակառակ դեպքում դժվար կլինի դռան շրջանակի և պատի միջև առկա հանգույցներն անտեսանելի
դարձնել, քանի որ հստակորեն տեսանելի կլինեն անհարթ սվաղի հետքերը:

Եթե սրահի վերանորոգումը ենթադրում է մանրահատակի տեղադրում, ապա այն կատարում են նախքան
պաստառների փակցնելը, քանի որ հատակային ծածկույթի հղկման գործընթացում կարելի է վնասել պատի
ծածկույթը: Այսպիսով, սկզբից շարում են մանրահատակը, այնուհետև հղկում են և ծածկում երկշերտ
լաքով: Միայն դրանից հետո են կատարում առաստաղի ներկումը և պաստառի փակցնումը: Վերջում
կատարում են եզրահարթակների տեղադրումը, շրիշակների մոնտաժը, լուսավորման սարքերի,
անջատիչների և վարդակների ամրացումը:

Առանձին շինությունների յուրահատկությունը պահանջում է յուրօրինակ մոտեցում վերանորոգման հարցում

Օգտակար խորհուրդ: Նախքան աշխատանքը սկսելը, անհրաժեշտ է որոշել ընտանիքի անդամների
ժամանակավոր բնակության վայրի հարցը. աշխատանքն ավելի լավ է կատարել դատարկ շինությունում: Եթե դա հնարավոր չէ, ապա անհրաժեշտ է աշխատանքները պլանավորել սենյակների հերթափոխով՝ սկսելով վերանորոգումը սանհանգույցից և խոհանոցից:

Խոհանոցի վերանորոգումը պետք է մտածել ավելի հանգամանալից և ամեն ինչ ճիշտ պլանավորել, քանի որ
այս սենյակը շատ ավելի է շահագործվում, քան մյուսները և ենթադրում է բազմատեսակ տեխնիկայի
տեղադրում: Հետևաբար, պետք է հոգ տանել լրացուցիչ վարդակների տեղադրման, ինչպես նաև
էլեկտրական մալուխի փոխարինման մասին: Այստեղ հատուկ ուշադրություն պետք է դարձնել նաև
օդափոխմանը:

Կարդացե՛ք նաև՝ Խոհանոցի լվացարան. Ո՞ր տարբերակն է հարմար հենց Ձեր խոհանոցի համար

Սանհանգույցի վերանորոգումը ենթադրում է զգալի չափի աշխատանք: Այստեղ տեղակայված են մեծ թվով
հաղորդակցություններ, իսկ դրանց մոնտաժը պահանջում է հերմետիկություն և ռացիոնալ տեղադրում:
Բացի խողովակների փոխարինումից, այստեղ պետք է նախատեսել վարդակների անվտանգ տեղադրումը և
որակյալ օդանցքի առկայությունը, ինչպես նաև պետք է հոգ տանել լրացուցիչ ջրամեկուսացման մասին:
Սանտեխնիկան անհրաժեշտ է տեղադրել վերջում:

Կարդացե՛ք նաև՝ Վարդակ․ ինչ պետք է իմանալ դրա տեղադրման մասին

Հարմարավետ ննջասենյակներ: Բնակելի սենյակների վերանորոգման հատուկ պահանջներ չկան: Ամեն
դեպքում, ննջասենյակի վերանորոգումը սկսվում է կահույքի դուրսբերմամբ և պատերի ու հատակի հին
ծածկույթների վերացմամբ: Հաջորդ քայլը դռան շրջանակի տեղադրումն է:

Ի գիտություն: Բնակելի սենյակների ձևավորումը պետք է իրականացնել վերևից ներքև: Այսինքն, սկզբում
վերանորոգում են առաստաղը, հետո փակցնում են պաստառները կամ ներկում պատերը և միայն դրանիցհետո անցնում հատակային ծածկին: Վերջնական փուլում իրականացվում է տեխնիկայի, կահույքի և
դեկորատիվ տարրերի տեղադրումը: Ննջասենյակի դիզայնին պետք է հատուկ ուշադրություն դարձնել, քանի որ այստեղ են տան տերերը հանգստանում, շատ ժամանակ են անցկացնում:

Միջանցքը վերանորոգում են վերջում: Սովորաբար այդտեղ կուտակվում են նյութերի մնացորդները, ինչը
դժվարացնում է աշխատանքի կատարումը: Հետևաբար պետք է սկսել մաքրությունից: Աշխատանքների
հաջորդականությունը նույնն է, ինչ սենյակների վերանորոգման ընթացքում:

Հյուրասենյակների ոճային վերանորոգում: Սրահը կամ հյուրասենյակը համարվում է ցանկացած տան կամ
բնակարանի այցեքարտը: Այս սենյակը կարելի է ձևավորել տարբեր ոճերով ու կյանքի կոչել տարբեր
գաղափարներ:
Աշխատանքների իրականացման կարգը նույնն է, ինչ մյուս բնակելի սենյակներում, իսկ ահա այս գոտին
ձևավորել կարելի է տարբեր ոճերով՝ ելնելով ճաշակային նախապատվություններից և ֆինանսական
հնարավորություններից:

Կարևոր է: Դեռ պլանավորման փուլում անհրաժեշտ է որոշել պատերի ձևավորումը: Օրինակ, պատերը,
որոնք նախատեսվել է ներկել, պահանջում են ավելի մանրակրկիտ սվաղում և ավելի նուրբ հղկում, քան
այն պատերը, որոնց պետք է պաստառ փակցնել:

Կարևոր է: Փորձագետները խորհուրդ են տալիս տունը ձևավորելիս նախապատվությունը տալ
էկոլոգիապես մաքուր նյութերին: Բացի այդ, կահույքը և շինանյութերը, որոնք անվնաս են առողջության
համար, նույնպես կարող են շատ գրավիչ տեսք ունենալ:

Հյուրասենյակի ձևավորման մեջ օգտագործում են տարբեր ոճեր և ուղղություններ: Առավել հաճախ մարդիկ
ընտրում են՝

  • ժամանակակիցը,
  • դասականը,
  • մինիմալիզմը,
  • սկանդինավյան ոճը:

Ժամանակակից ոճի ժողովրդականությունը պայմանավորում է դրա գործնականությունը, որն
արտահայտվում է բազմաֆունկցիոնալ կահույքի մեջ: Սեղանները և ծալովի բազմոցները հեշտությամբ ձեռք
են բերում ցանկալի ձևը և կարող են ծառայել տարբեր իրավիճակներում:

Դասական ոճը միշտ էլ ակտուալ է: Այն արտահայտվում է թանկարժեք փայտե կահույքով, շքեղ
շրջանակներով նկարներով և բնական գորգերով: Դասականին լիարժեք հակադրություն է հանդիսանում
մինիմալիզմը, որտեղ բացակայում են ավելորդ տարրերը, իսկ շեշտը դրված է պարզության և թեթևության
վրա: Թույլատրելի են աբստրակտ նկարների և ծաղկամանների տեսքով վառ պարագաները:

Վերջին ժամանակներում ժողովրդականություն վայելող սկանդինավյան ոճը ենթադրում է տարբեր
տարրերի պարզություն և ներդաշնակություն: Այս ոճով ձևավորված հյուրասենյակը պետք է լինի
ընդարձակ և լուսավոր՝ նվազագույն պայծառ տարրերով: Պատուհաններն այդպիսի սենյակում, որպես
կանոն, ձգվում են ամբողջ պատով՝ հատակից մինչև առաստաղ:

Թույլատրելի է նաև ոճային ուղղությունների համադրությունը: Գլխավորն այն է, որ միջավայրի առանձին
բաղադրիչները միմյանց համապատասխանեն:

Օրինակ, սեփական տանը սրահում որոշ դեպքերում նախատեսում են փայտի բուխարու տեղադրում, ինչն
առանձնահատուկ հարմարավետություն է ստեղծում ինտերիերում: Պատերի ձևավորումը բնական քարով
սենյակին վեհաշուք տեսք է հաղորդում, իսկ վառ մանրահատակը, ծածկված փափուկ գորգով, իդեալական
տարբերակ է քաղաքից դուրս տների համար:

Կարևոր է: Ինտերիերի բոլոր առարկաները պետք է ներդաշնակ լինեն միևնույն ոճին և համապատասխան
լինեն նաև գունային առումով:

Տան սրահի օրիգինալ դիզայն կարելի է ստանալ նաև տարբեր տեսակի փայտանյութի կախոցներով:
Ինտերիերը կարող են զարդարել ընտանեկան լուսանկարները, ճենապակյա կերպարանքները և հնաոճ
իրերը:

Չենք մոռանում նաև արտաքին ձևավորման մասին

Վերանորոգումից խոսելիս, անհրաժեշտ է հիշել նաև ճակատների մասին, չէ՞ որ այն տան ուրույն
այցեքարտն է: Կացարանի արտաքին տեսքից կարծիք է կազմվում սեփականատերերի մասին: Հետևաբար,
եթե տեղի է ունենում տան ներքին թարմացում, ապա անհրաժեշտ է հոգ տանել նաև արտաքին տեսքի
մասին: Դեկորատիվ սվաղի կամ փայտով երեսպատման դեպքում տան ճակատը պարզ, բայց միևնույն
ժամանակ կոկիկ կլինի՝ շեշտելով շենքի արդիականությունն ու ոճայնությունը: Կարող եք ընտրել նաև
երեսպատված սալիկով կամ քարով տարբերակները, որոնք շատ գրավիչ և յուրօրինակ տեսք են հաղորդում:
Աղյուսով երեսպատումը համեմատաբար թանկ տարբերակ է:

Ի գիտություն: Տների երեսպատման մեջ, ինչպես և ոճային ձևավորման, թույլատրելի է նյութերի
համադրությունը, այստեղ կրկին կարևորը ներդաշնակության զգացողության ստեղծումն է:

Տների վերանորոգում. օգտակար խորհուրդներ

Ձեզ ենք ներկայացնում տների վերանորոգման վերաբերյալ օգտակար խորհուրդներ, որոնք կարող են օգնել
Ձեզ խուսափել մի շարք սխալներից.

  • Խոհանոցում և լոգասենյակում անպայման պետք է նախատեսվի օդանցք և օդափոխություն:
  • Երեսպատման սալիկների տեղադրման ժամանակ անհրաժեշտ է «կղզյակներ» թողնել կոյուղու և
    ջրամատակարարման խողովակների հասանելիության համար:
  • Պատուհանները տեղադրելիս և մինչև վերանորոգման ավարտը չպետք է հեռացնել դրանցից պաշտպանիչ ժապավենը: Այն կպահպանի ապակին քերծվածքներից, փոշուց և կեղտից:
  • Կենցաղային լինոլիումը ծառայում է ոչ երկար: Այն հարմար է միայն որպես գորգերի տակի ծածկույթ:
  • Պետք է հաշվի առնել. հատակին հարթ մակերեսով սալիկի շարումը կարող է լինել վտանգավոր և վնասվածքների պատճառ դառնել:
  • Գիպսակարտոնով երեսպատված պատերը կարող է չդիմանան ծանր քաշին, ուստի նման պատերից չարժե ծանր իրեր կախել:
  • Հարդարման նյութերն ավելի լավ է ձեռք բերել աշխատանքները սկսելուց ավելի առաջ, երբ վերջնականապես կատարված է ընտրությունը, իսկ մատակարարի մոտ առկա է ապրանքի անհրաժեշտ քանակը:
  • Եթե անհրաժեշտ է ներկերի համադրում, ապա հարկավոր է մի քանի լիտր ավելցուկով անել, քանի որ կրկնակի երանգը գուշակելը գործնականում անհնար է:
  • Չպետք է գնել էժան նյութեր, հատկապես, եթե ակնկալվում է դրանց երկար շահագործում (սա վերաբերում է խողովակներին, մարտկոցներին, էլեկտրալարերին):
  • Մինչև վերանորոգումը սկսելը անհրաժեշտ է քննարկել աշխատանքի յուրաքանչյուր փուլի ճշգրիտ արժեքը և համաձայնեցնել նախահաշիվը, բացի այդ, կատարման ժամկետներն ու ֆինանսական հաշվարկների ժամանակացույցը:
  • Ի վերջո, չպետք է որևէ գործ սկսել, որի մասին պատկերացում չունեք: Ավելի լավ է վերանորոգման այդ փուլը հանձնել մասնագետներին:

Այս պատասխանատու գործի համար վարպե՞տ է պետք

Գեղեցիկ նորոգում ստանալու համար շատ կարևոր է մասնագետների ճիշտ ընտրությունը: Պատահական
վարպետի դժվար է վստահել Ձեր տունն ու տան վերանորոգման պատասխանատու գործը:
Varpet հավելվածը կարող է թեթևացնել տան վերանորոգման հետ կապված Ձեր բոլոր հոգսերը:
Պարզապես ներբեռնեք հավելվածն այստեղից և պատվիրեք համապատասխան ծառայությունը: Ընդամենը
հաշված րոպեների ընթացքում հմուտ վարպետն ինքը կգտնի Ձեզ, ում կարող եք վստահել Ձեր տան
վերանորոգման կարևոր գործը:

Ուշադրություն։ Varpet-ի օգտատերերին

Մեր հարթակի տարբեր գործընկեր խանութ- սրահները Varpet հավելվածի օգտատերերին տրամադրում են
հատուկ զեղչեր՝ տարբեր ապրանքներ գնելու դեպքում։ Տրամադրվող զեղչերի ամբողջական ցանկին կարող
եք ծանոթանալ Varpet հավելվածի «Գործընկերներ» բաժնում, որտեղ քարտեզի վրա կարող եք գտնել
խանութ- սրահների հասցեների, հեռախոսահամարների ու տրամադրվող զեղչերի մասին ինֆորմացիա:
Որոշել եք սկսել Ձեր տան վերանորոգումը: Այս զեղչերը հենց Ձեզ համար են, պարզապես ներբեռնեք
Varpet հավելվածն և օգտվեք համապատասխան զեղչերից:

Դե ինչ, հաճելի գնումներ:

Հոդվածի ամփոփում

Տան վերանորոգումն սկսելիս շատ կարևոր է հստակ պատկերացում ունենալ, թե ինչ պետք է ստացվի
վերջնական արդյունքում, մտածել վերանորոգման բոլոր փուլերն ու հետևել այդ ամենի իրագործմանը:
Օգտակար խորհուրդ: Վիզուալիզացրեք Ձեր երազանքը՝ ընտրելով համապատասխան էսքիզներ կամ
գեղեցիկ լուսանկարներ:

Անհրաժեշտ է անմիջապես որոշել վերանորոգման ուղղությունն ու տեսակը: Կարևոր է որոշել
վերանորոգման տեսակը, որից ելնելով ընտրվելու է հետագա պլանավորման ողջ գործընթացը: Եթե տունը
բնակելի է, կարելի է վերանորոգումը բաժանել փուլերի:

Վերանորոգումը կարող է լինել՝ կապիտալ, կոսմետիկ, եվրովերանորոգում:

Կապիտալ վերափոխումը ենթադրում է որոշակի փոփոխությունների մտցնում շինության դիզայներական
ձևավորման և նույնիսկ հատակագծի մեջ: Այդ գործընթացը կարող է ներառել պատերի և հատակի
ապամոնտաժում, նոր պատուհանների, դռների տեղադրում, կոմունիկացիաների ամբողջովին փոխարինում:
Առանց մասնագետների օգնության կապիտալ վերանորոգումը չափազանց դժվար է իրականացնել:

Կոսմետիկ վերանորոգումը տարբերվում է իր պարզությամբ: Այն հնարավոր է իրագործել նույնիսկ
սեփական ուժերով: Այս տարբերակի իրագործումը պահանջում է ավելի քիչ ջանքեր, շինարարական
հմտություններ և բյուջետային ներդրումներ:

Տան եվրովերանորոգումը վերանորոգման աշխատանքների մեջ ընդունված է համարել որպես
առանձնահատուկ կատեգորիա: Ըստ էության, այս դեպքում բնակարանը ենթակա է ամբողջական
վերանախագծման՝ եվրոպական ստանդարտներին համապատասխան:

Դիզայնի ընտրությունը: Ինտերիերի դիզայնը անհրաժեշտ է որոշել մինչև նախագծի կազմումը, քանի որ
դրանից կախված կլինի նյութի ընտրությունը: Տան դիզայնը նախևառաջ պետք է համապատասխանի
սեփականատերերի ճաշակին, քանի որ տունը հարմարավետության և հանգստության կղզի է, որտեղ
ընտանիքը ծախսում իր ժամանակի մեծ մասը:

Նախագծի մշակումը պատասխանատու աշխատանք է. հենց դա է պատճառը, որ մասնագետների
ծառայությունները թանկ արժեն: Տան վերջնական դիզայնը մտածվածին համապատասխանելու համար
անհրաժեշտ է նախագծային փաստաթղթերը գրագետ կազմել, որը հասկանալի կլինի ինչպես
պատվիրատուին, այնպես էլ շինարարներին:

Աշխատանքի կազմակերպման տարբերակները: Տան վերանորոգումը կարելի է իրականացնել սեփական
ձեռքերով, իսկ ավելի պատասխանատու հատվածները վստահել մասնագետներին: Կարող եք նաև
ամբողջությամբ վաստահել վարպետներին՝ նրանց հնարավորություն տալով կատարել աշխատանքի ամբողջ ծավալը:

Ինքնուրույն վերանորոգումը թույլ է տալիս զգալիորեն խնայել նյութական միջոցները, սակայն, այն
բարձրանում է որակի ռիսկը, իսկ վերանորոգման իրականացման ժամանակը երկարում է: Ի գիտություն:
Առանց մասնագետների օգնության կապիտալ վերանորոգումը չափազանց դժվար է իրականացնել: Մինդեռ
թեթև կոսմետիկ վերանորոգման իրականացումը կարող եք ամբողջովին ինքնուրույն կատարել:

Կարևոր է նաև վերանորոգման իրականացման ժամանակը: Ամենալավը վերանորոգումը տարվա տաք
եղանակին կատարելն է: Ընդ որում՝ պետք է հաշվի առնել, որ այդ ժամանակ աճում է ոչ միայն
պահանջարկը, այլև մասնագետների ծառայությունների և նյութերի գինը: Հետևաբար այդ հարցերն ավելի
լավ է նախօրոք լուծել:

Շինարարական շուկայի գներին ծանոթանալը կօգնի Ձեզ նախահաշվի հաջող կազմման գործում: Նախքան
տան վերանորոգումը կարևոր է հաշվի առնել միջոցների պահուստը անկանխատեսելի ծախսերի համար:
Այն թույլ կտա օպերատիվորեն վերացնել նախագծի փոփոխման կամ նյութերի թանկացման հետ կապված
խնդիրները: Այսպես, առկա գումարին անհրաժեշտ է ավելացնել ևս 20%:

Օգտակար խորհուրդ: Վերանորոգման նյութերը ավելի լավ է ձեռք բերել ամբողջությամբ և միանգամից.
մեծածախ գնումների դեպքում շատ հաճախ զգալի զեղչեր են անում:

Փորձագետները խորհուրդ են տալիս տունը ձևավորելիս նախապատվությունը տալ էկոլոգիապես մաքուր
նյութերին: Բացի այդ, կահույքը և շինանյութերը, որոնք անվնաս են առողջության համար, նույնպես կարող
են շատ գրավիչ տեսք ունենալ:

Հոդվածում կարող եք գտնել նաև տների վերանորոգման վերաբերյալ օգտակար խորհուրդներ, որոնք կարող են օգնել Ձեզ խուսափել մի շարք սխալներից:

Plastering
Articles
3-03-2020
(Հայերեն) Վերանորոգումը հեշտ է սկսել, բայց դժվար է ավարտել: Այս պնդումը հաճախ կարելի է լսել: Սակայն, այն ճիշտ է միայն այն դեպքում, երբ չկա հստակ նպատակ և գործողությունների մանրամասն ծրագիր: Այս հոդվածում մենք կպատմենք Ձեզ, թե ինչպես կարող եք այդ ամենը կազմակերպել: Հոդվածն ընթերցելիս Դուք կիմանաք, թե ինչպես որոշել վերանորոգման տեսակը և դիզայնը: Կկարողանաք նաև հասկանալ, հաշվարկել և կազմել վերանորոգման աշխատանքների արժեքը: Կծանոթանաք տների վերանորոգման աշխատանքների հերթականությանն ու սենյակի հարդարման տարբերակներին: Բացի այդ, կներկայացնենք նաև օգտակար խորհուրդներ, որոնք կարող են օգնել Ձեզ խուսափել մի շարք սխալներից:
6-06-2019
It would seem easier arranging lighting in the bathroom, a photo of which will be of interest. However, this opinion is not true. Indeed, in order to illuminate this room with sufficiently bright soft diffused light, which creates coziness and comfort, it is necessary to have certain specific knowledge. We will try to convey their basic concept in this article.
7-07-2019
You can often hear that repairment is easy to start, but hard to finish. The statement is true when the owners do not have a clear goal and a detailed plan of action regarding the transformation of the home. Therefore, it is important to have a clear idea of what should result in the end. Starting home repairs, you need to carefully think through all the steps and purposefully follow in the direction of implementation of the plan. How to do this, tells this article.
7-07-2019
Liquid wallpaper has appeared on the market relatively recently, but has already has managed to win its special place among other finishing materials. Although many still prefer classic paper wallpapers to them, mistakenly believing that it is easier to work with. We will examine in more detail what constitutes a finishing coating - liquid wallpaper, how to apply them to a wall and other surfaces. Whether their application is really a complex labor-intensive process that requires special training.
7-07-2019
Modern design of buildings is meaningless without the use of gypsum plasterboard layers. This material is popular no matter what it is. Due to their softness and flexibility, layers can be cut into edging, sheathe and sew with almost any surface. Very often this material is fitted with ceiling suspension constructions that can be simple or multi-level. For example, one can construct ceilings for a living room with gypsum plasterboard: it's not difficult to find their photos and description of the installation process.
8-08-2019
When choosing an apartment in a new building, preference is often given to housing without decoration. This is due to the fact that the price of such real estate is much lower than apartments with simple repair. In addition, this is a great opportunity to perform all repair and finishing work, taking into account your own wishes, preferences and financial capabilities. Repairing an apartment in a new building from scratch has many nuances, which we will discuss in detail in this article.
10-10-2019
The kitchen is the center of the home. Not only the smell of coffee and fresh pastries create a feeling of comfort here. A stylish interior and, most importantly, practical finishing materials will not be superfluous in this part of the home. The specifics of the operating conditions of the kitchen premises determines the direction of the choice of lining not only for furniture surfaces, but also for the floor. Strength, wear resistance, ease of maintenance, the possibility of long-term operation - these are the main criteria that should be taken into account. Today, there are many coatings that will look good in the kitchen. Linoleum, wooden floors, cork coverings have a beautiful appearance, but they are not very practical for use in the kitchen and demanding care. An excellent modern solution to the coating will be floor tiles for the kitchen. Photos and prices of the main types, as well as a review of manufacturers will help make the right choice.
3-03-2020
(Հայերեն) Վերանորոգումը հեշտ է սկսել, բայց դժվար է ավարտել: Այս պնդումը հաճախ կարելի է լսել: Սակայն, այն ճիշտ է միայն այն դեպքում, երբ չկա հստակ նպատակ և գործողությունների մանրամասն ծրագիր: Այս հոդվածում մենք կպատմենք Ձեզ, թե ինչպես կարող եք այդ ամենը կազմակերպել: Հոդվածն ընթերցելիս Դուք կիմանաք, թե ինչպես որոշել վերանորոգման տեսակը և դիզայնը: Կկարողանաք նաև հասկանալ, հաշվարկել և կազմել վերանորոգման աշխատանքների արժեքը: Կծանոթանաք տների վերանորոգման աշխատանքների հերթականությանն ու սենյակի հարդարման տարբերակներին: Բացի այդ, կներկայացնենք նաև օգտակար խորհուրդներ, որոնք կարող են օգնել Ձեզ խուսափել մի շարք սխալներից: