fbpx
6-06-2019

Տարանցիկ անջատիչ. տարբեր վայրերից միացման գծագիր

Լուսատու սարքավորումների շահագործման կոմֆորտի և հարմարավետության բարձրացման համար տարանցիկ անջատիչի միացման գծագիրն արտացոլում է կոմունիկացիոն սարքավորման աշխատանքի սկզբունքը: Դրա օգնությամբ կարելի է իրականացնել տարածքի լուսավորման կառավարումը ցանկացած կետից:

Տարանցիկ անջատիչներն օգտագործվում են մի քանի վայրից լուսատուների կառավարման իրականացման համար
  1. Տարանցիկ անջատիչի կառուցվածքը և աշխատանքի սկզբունքը
  2. Տարանցիկ անջատիչի տեղադրման առավելությունները
  3. Ինչպես պատրաստել տարանցիկ անջատիչ սեփական ձեռքերով
  4. 2 տեղից տարանցիկ անջատիչի միացման գծագիր
    1. 2 կետով տարանցիկ անջատիչների տեղադրման հերթականությունը. միացման գծագիր
  5. Տարանցիկ անջատիչ. 3 և ավել վայրերից միացման գծագիր
  6. Երկստեղն տարանցիկ անջատիչի միացման գծագիր
  7. Տարանցիկ անջատիչների հայտնի արտադրողներ
    1. Տարանցիկ անջատիչների հանրաճանաչ մոդելային շարք

Տարանցիկ անջատիչի կառուցվածքը և աշխատանքի սկզբունքը

Տարանցիկ անջատիչները նախատեսված են տարածքի տարբեր ծայրերից կամ աստիճանային երթից լուսավորության միացման և անջատման համար: Նկատի ունենք, որ լույսը կարելի է միացնել, օրինակ, սենյակ մուտք գործելուց, իսկ անջատել՝ դրա այլ մասում: Այս գործելաոճը կարող է զգալիորեն խնայել էլեկտրաէներգիան:

Լույսը տարբեր վայրերից միացնելը ոչ միայն շատ հարմար է, այլև թույլ է տալիս զգալի չափով խնայել էլեկտրաէներգիան

Տարանցիկ անջատիչն արտաքին տեսքով չի տարբերվում սովորականից: Դրա դիմացի շարժական վահանակը ցույց է տալիս վերև-ներքև սլաքներ: Սովորական անջատիչն  ունի մեկ մուտք և մեկ ելք: Իսկ տարանցիկ անջատիչն ունի մեկ մուտք և երկու ելք: Սա ցույց է տալիս, որ այստեղ հոսանքը չի ընդհատվում, այլ վերահղվում է ցանկացած ելքին: Չնայած այն հանգամանքին, որ փորձառու էլեկտրիկները աչքով կկարողանան որոշել անջատիչի տեսակը, հուսալի արտադրողներն արտադրում են կրկնակի, եռակի կամ միակողմանի անջատիչի սխեմաներով արտադրանք, որը գտնվում է սարքի իրանի տակ:

Որոշել, որ աչքերի առջև միաթև տարանցիկ սարք է, հնարավոր է նաև պղնձի կոնտակտներով տերմինալները ստուգելիս: Դրանք պետք է լինեն երեքը: Համոզվելու համար, որ տերմինալները խառնված չեն միմյանց հետ, պետք է օգտագործել բազմաչափ: Սարքը պետք է տեղադրվի ձայնային ազդանշանի ռեժիմում և զանգի ազդանշան տա ելումուտի դեպքում: Եթե կոնտակտին դիպչելիս բազմաչափն ազդանշան է ազդարարում, ապա կոնտակտը բացակայում է տվյալ վայրում:

Ցանցի բաշխման սխեմա

Տարանցիկ անջատիչի մեկ այլ տարբերություն է հանդիսանում սովորական անջատիչից դրա մոտ եռաջիլ հաղորդալարի առկայությունը: Սա յուրատեսակ փոխարկիչ  է, որը վերահասցեավորում է լարումը մեկ կոնտակտից մյուսը:

Տարանցիկ անջատիչներն աշխատում են զույգով՝ մեկ լույսի աղբյուրը կառավարելու համար: Յուրաքանչյուրին մոտենում են զրոն և ֆազը: Անջատիչի ստեղնի դիրքի փոփոխությունը նպաստում է շղթայի փակմանը, ինչը ստիպում է լամպին վառվել: Առաջին կամ երկրորդ փոխարկիչի միացման դեպքում ֆազի լարը անջատվում է, իսկ զուգակցված անջատիչի կոնտակտը՝ փակվում, և լույսը մարում է: Այսինքն, երբ երկու սարքերում ստեղները նույն դիրքում են գտնվում, լուսավորությունը միանում է, իսկ երբ հակառակ դիրքերում՝ անջատվում:

Կարելի է վերահսկել լուսավորությունը ոչ միայն երկու վայրից, այլ երեք կամ ավելի: Դա անելու համար միակ կամ մի քանի խաչաձև փոխարկիչներ պետք է ավելացվեն երկակի տարանցիկ անջատիչի ընդհանուր միացման սխեմային:

Տարանցիկ անջատիչի տեղադրման առավելությունները

Տարանցիկ անջատիչները թույլ են տալիս վերահսկել սենյակի լուսավորությունը երկու կամ ավելի տեղերից, ինչը անվիճելի հարմարավետություն է: Սա հատկապես արժեքավոր է սանդուղքով մի քանի հարկանի տների համար: Այստեղ կարելի է տեղադրել առաջին անջատիչը առաջին հարկում, իսկ հաջորդը երկրորդում, որը թույլ կտա ներքևում միացնել լույսը և անջատել վերևում:

Հատկապես ակտուալ է տարանցիկ անջատիչների օգտագործումը սանդուղքի լուսավորությունը վերահսկելու համար

Լավ լուծում է ննջասենյակի մուտքի մոտ տեղադրել մեկ անջատիչը, իսկ երկրորդը՝ մահճակալի գլխի մոտ, որը թույլ է տալիս ներս մտնել, միացնել լույսը, պատրաստվել քնին, պառկել և անջատել լույսերը: Նպատակահարմար է նաև տեղադրել անջատիչները տան կամ բնակարանի մուտքի մոտ և միջանցքի վերջում:

Օգտակար խորհուրդ: Անջատիչի մեջ ներառված շարժման հատուկ սենսորների կամ ժամաչափի օգնությամբ հնարավոր է կազմակերպել լույսի ավտոմատ անջատումը որոշակի տեղից հեռանալիս:

Տարանցիկ անջատիչները զգալի առավելություններ ունեն սովորական սարքերի համեմատ.

  • բարձր հուսալիություն և շահագործման անվտանգություն,
  • անհրաժեշտության դեպքում սենյակի էլեկտրասնուցման վայրկենական անջատում ցանկացած կետից,
  • էլեկտրաէներգիայի օպտիմալ սպառում,
  • ցածր ինքնարժեք,
  • պարզ տեղադրում, որը չի պահանջում մասնագետների ներգրավում,
  • բարդ կարգավորումների բացակայություն:
Տարանցիկ անջատիչների առկայությունը թույլ կտա միացնել լուսավորությունը ներքևում մի անջատիչով, իսկ աստիճաններով բարձրանալուց հետո վերևում անջատել մյուսով

Ինչպես պատրաստել տարանցիկ անջատիչ սեփական ձեռքերով

Չնայած նրան, որ առաջին հայացքից, սովորական և տարանցիկ անջատիչները փոքր տարբերություններ ունեն, դրանց արժեքը զգալիորեն տարբերվում է: Տարանցիկ անջատիչ ձեռք բերելը 1.5-2 անգամ թանկ է սովորականից: Հետևաբար, շատ արհեստավորներ հակված են տարանցիկ անջատիչ պատրաստել սեփական ձեռքերով:

Միաստեղն տարանցիկ անջատիչ ստանալու համար անհրաժեշտ է օգտագործել նույն չափի և արտադրության սովորական միաստեղն և երկստեղն անջատիչներ:

Օգտակար խորհուրդ: Երկստեղն տարանցիկ անջատիչ ձեռք բերելիս, որի գծագիրը դաջված է իրանի վրա, անհրաժեշտ է համոզվել, որ դրանում հնարավորություն կա տերմինալները տեղափոխել այնպիսի հաջորդականությամբ, որպեսզի իրարից անկախ ապահովել շղթայի միացումն ու անջատումը:

Սովորականի անջատիչի վերափոխումը տարանցիկի կատարվում է հետևյալ հերթականությամբ.

  • յուրաքանչյուր միաստեղն անջատիչի մոտ հանվում է ամրաններով հագեցած կափարիչը,
  • նրբորեն սեղմվում է անջատիչի միջուկը,
  • սեղմվում են անջատիչի ներքին մեխանիզմի իրանի վրայի սեղմիչները,
  • տերմինալներից մեկը հեռացվում է բնիկից.
  • մի կոնտակտը վերատեղադրվում է մյուսի դիմաց,
  • կոնտակտների վրա տեղադրվում է ճոճնակ,
  • իրանը ետ է հավաքվում:
Տարանցիկ անջատիչների օգտագործումը հարմար կլինի, եթե տանը կան երկար միջանցքներ

Կարելի է նաև մեկ անջատիչ հավաքել երկու հասարակից: Դրանք պետք է դնել միմյանց կողքին այնպես, որ ստեղնի վերին մասը սեղմելուց միացվի մեկը, իսկ ստորին մասը`մյուսը: Ստեղներն անհրաժեշտ է միացնել պնակով, որը սոսնձվում է վերևում: Անպայման անհրաժեշտ է տեղադրել մեկուսիչ հարմարանք երկու հարևան կոնտակտների միջև:

2 տեղից տարանցիկ անջատիչի միացման գծագիր

2 տեղից տարանցիկ անջատիչի սխեման հավաքվում է երկու միաստեղն տարանցիկ անջատիչի օգնությամբ, որոնք աշխատում են միայն զույգերով: Նրանցից յուրաքանչյուրն ունի մեկ կոնտակտ մուտքի մոտ, իսկ ելքի մոտ՝ զույգ:

Մինչև տարանցիկ անջատիչը միացնելը միացման սխեման հստակ ցույց է տալիս բոլոր քայլերը. անհրաժեշտ է հոսանքազրկել շինությունը համապատասխան անջատիչի օգնությամբ, որը գտնվում է կառավարման վահանակում: Դրանից հետո անհրաժեշտ է լրացուցիչ ստուգել անջատիչի բոլոր լարերում լարման բացակայությունը: Դրա համար անհրաժեշտ է օգտագործել հատուկ պտուտակահան:

Օգտակար խորհուրդ: Նմանատիպ թեսթ պետք է իրականացվի այն տեղերում, որտեղ տեղադրվում են անջատիչ սարքերը:

Աշխատանքը կատարելու համար անհրաժեշտ է հարթ, խաչաձև և ցուցիչ պտուտակահաններ, դանակ, կողային կտրիչ գործիքներ, հարթաչափ, պտուտակ և դակիչ: Սենյակների պատերին անջատիչների և լարերի տեղադրման համար պետք է անել համապատասխան անցքեր և խրամուղիներ՝ ըստ սարքերի դասավորության նախագծի:

Ի տարբերություն սովորական անջատիչների, տարանցիկ անջատիչներն ունեն ոչ թե երկու, այլ երեք կոնտակտ և կարելի է ֆազը միացնել առաջին կոնտակտից դեպի երկրորդ կամ երրորդը

Կարևոր է: Հնարավոր չէ տեղադրել տարանցիկ անջատիչ սովորական անջատիչի  տեղում:

Լարերն անհրաժեշտ է տեղադրել առաստաղից առնվազն 15 սմ հեռավորության վրա: Դրանք կարող են տեղակայվել ոչ միայն թաքնված ձևով, այլև դրվել հատուկ տախտակների կամ տուփերի մեջ: Նման տեղադրումը թույլ է տալիս արագ վերանորոգման աշխատանքների կատարում  մալուխի վնասման դեպքում: Հաղորդալարերի ծայրերը անպայման պետք է տեղադրվեն տեղակայման տուփերում, որտեղ կոնտակտների միջոցով կատարվում են նաև բոլոր միացումները:

2 կետով տարանցիկ անջատիչների տեղադրման հերթականությունը. միացման գծագիր

Անջատիչ սարքերի տեղադրման բոլոր գործողություններն իրականացվում են 2 տեղից տարանցիկ անջատիչների միացման սխեմայի հիման վրա, որը կարելի է գտնել ինտերնետում: Այն տարբերվում է սովորական անջատիչների տեղադրումից, քանի որ այստեղ առկա են երեք լարեր սովորական երկուսի փոխարեն:

Կարդացե՛ք նաև՝ Վարդակ. ինչպես միացնել էլեկտրատեխնիկական կցամասերն առանց մասնագետի օգնության

Որպես լուսավորման աղբյուր նման սխեմայում ցանկացած լամպ կարելի է օգտագործել` սովորական շիկացած լամպերից մինչև լյումինային, էներգախնայող և լուսադիոդային (LED)

Բաշխիչ տուփում պետք է տեղավորվեն 5 լար՝ ավտոմատից սնուցողը, դեպի անջատիչները գնացող երեք լարերը և դեպի լուսատու սարքն ուղղված միացնող լարը: Միաստեղն տարանցիկ անջատիչի միացման սխեման կառուցելիս օգտագործվում են եռաջիլ մալուխներ: Զրոն և հողանցման լարն անմիջապես տարվում են լույսի աղբյուրի վրա: Ֆազի շագանակագույն մալուխը, որը մատակարարում է հոսանքը, անցնում է անջատիչներով համաձայն գծագրի, և ելնում է լուսավորման լամպի վրա:

Օգտակար խորհուրդ: Լարի ապագայի հետ կապված խնդիրներից խուսափելու համար խորհուրդ է տրվում օգտագործել առնվազն 2.5 մմ տրամագծով պղնձե մալուխներ:

Անջատիչները միացվում են ֆազի մալուխի ճեղքում, իսկ զրոյականը՝ լուսավորման սարքին ուղղված բաշխիչ տուփն անցնելուց հետո: Ֆազի անցումն անջատիչի միջոցով ապահովում է անվտանգությունը լուսատուի վերանորոգման և սպասարկման ընթացքում:

Տարանցիկ անջատիչի տեղադրումը բաղկացած է հետևյալ գործողությունների հաջարդանությունից.

  • կատարվում է լարերի ծայրերի մաքրում մեկուսիչներից,
  • ինդիկատորի օգնությամբ անհրաժեշտ է որոշել ֆազային մալուխը,
  • ոլորելու օգնությամբ անհրաժեշտ է ֆազի լարը միացնել առաջին անջատիչի լարերից մեկի հետ (այստեղ օգտագործվում են սպիտակ կամ կարմիր լարերը),
  • իրականացվում է անջատիչների միջև տերմինալի զրոյական լարերի միացումը միմյանց միջև,
  • երկրորդ անջատիչի առանձին մալուխի միացումը լուսատուին,
  • բաշխիչ տուփում լուսատուի լարը միացվում է զրոյական լարին:
Ինքնուրույն տարանցիկ անջատիչ տեղադրելիս պետք է հոգալ անվտանգության մասին

Օգտակար խորհուրդ: Եթե գալարներով միացումներ են կատարվում, ապա դրանք պետք է ձուլել և փաթաթել մեկուսիչ ժապավենով:

Տարանցիկ անջատիչ. 3 և ավել վայրերից միացման գծագիր

Եթե առաջանում է տարբեր տեղերից լուսավորող սարքերը հսկելու անհրաժեշտություն, ապա անհրաժեշտ է իրականացնել տարանցիկ անջատիչի միացումը 3 կետից: Սա ակտուալ է բազմաբնակարան շենքերի, խոշոր դահլիճների և մի քանի ելքով երկար միջանցքների համար: Դրա համար բացի երկու սովորական տարանցիկ անջատիչներից կպահանջվի խաչմերուկ անջատիչ: Այդպիսի անջատիչ սարքում տեղակայված են ոչ թե երեք, այլ չորս կոնտակտներ՝ մի զույգ մուտքային և երկու ելքային, որոնք միաժամանակ միանում են: Դրա համար անհրաժեշտ է օգտագործել քառաջիլ մալուխ:

Երեք տարանցիկ անջատիչների միացման սխեմա

3 տեղերից տարանցիկ անջատիչների միացման սխեմայում առաջին և վերջին կետում օգտագործվում են սովորական անջատիչներ, որոնց միջև տեղադրվում է միջանկյալ (խաչող) անջատիչը:

Օգտակար խորհուրդ: Քանի որ բաշխիչ տուփում անջատումը յուրաքանչյուր լրացուցիչ կետից կապված է մեծաքանակ լարերի հետ խորհուրդ է տրվում նշագրել լարերը:

Երեք տեղերից տարանցիկ անջատիչների միացման սխեման հետևյալ տեսքով կարտացոլվի.

  • դեպի լամպն են ուղղվում զրոյականը և հողանցումը,
  • ֆազի միացումը առաջին տարանցիկ անջատիչի մուտքին,
  • լարերի օգնությամբ կատարվում է առաջին անջատիչի ելքային կոնտակտների միացումը միջանկյալ անջատիչի մուտքային զույգ տերմինալների հետ՝ երկրորդ տարանցիկ անջատիչի ելքում,
  • երկրորդ անջատիչից լարը սնուցում է լամպին,
  • երկրորդ լարը, որը դուրս է գալիս լուսատուից, գալիս է բաշխիչ տուփ՝ դեպի զրոյականը:

Եթե լուսավորության կառավարումը նախատեսվում է ավելի շատ թվով վայրերից, ապա ընդհանուր սխեմայում ներառվում են լրացուցիչ միջանկյալ անջատիչներ, որոնք միացվում են վերոնշյալ սկզբունքով:

Յուրաքանչյուր տարանցիկ անջատիչի միացվում է եռաջիլ մալուխ, իսկ միջանկյալին՝ քառաջիլ: Միացման համար օգտագործվող բոլոր լարերը պետք է ;ինեն միևնույն հզորության: Անջատիչները, որոնք կարող են աշխատել նորմալ 6.10 և 16Ա հոսանքի առկայությամբ, պետք է ունենան նույն անվանական արժեքը: 3 տեղերից տարանցիկ անջատիչների սխեման կարելի է տեսնել ինտերնետային մասանգիտացված կայքերում:

Որպեսզի չխճճվել տարանցիկ անջատիչների ճիշտ միացումները կազմակերպելու մեջ, կարող եք դիմել մասնագետ-վարպետին՝ ուղղակի ամրագրելով ծառայության պատվերը Varpet հավելվածի օգնությամբ:

Տարանցիկ անջատիչի միացման գործընթացը քիչ է տարբերվում է սովորական անջատիչի միացումից

Երկստեղն տարանցիկ անջատիչի միացման գծագիր

Տարարնցիկ անջատիչների միջոցով կարելի է կառավարել ոչ միայն մեկ լուսատու, այլև մի քանի լուսատուներից կազմված խումբ: Դրա համար անհրաժեշտ է կատարել տարանցիկ երկստեղն անջատիչների միացում: Դրանցից յուրաքանչյուրն ունի վեցական կոնտակտ: Ընդհանուր լարերը որոշվում են նույն սկզբունքով, ինչ սովորական սարքերի համար, սակայն պահանջվում է ձայնակցել ավելի շատ լարեր:

Երկակի տարանցիկ անջատիչի միացման սխեմայի տարբերությունը կայանում է նրանում, որ այստեղ օգտագործում են ավելի շատ լարեր: Ֆազը դրվում է առաջին անջատիչի երկու մուտքերին: Երկրորդ անջատիչի երկու մուտքերից պետք է դուրս գան երկու լամպերի լարերը: Լուսավորության կառավարումը 3 և ավելի կետերից կազմակերպելու համար դրանցից յուրաքանչյուրի համար անհրաժեշտ է տեղադրել երկուական միջանկյալ անջատիչ, քանի որ դրանք թողարկվում են միայն միաստեղն:

Երկստեղն տարանցիկ անջատիչի միացման սխեմա

Այս դեպքում, համաձայն երկակի տարանցիկ անջատիչների միջանկյալ անջատիչներով միացման սկզբունքի, կոնտակտների առաջին զույգը պետք է միացվի առաջին միջանկյալին, իսկ երկրորդը՝ մյուսին: Անհրաժեշտության դեպքում սարքավորումները միացվում են միմյանց միջև: Երկու միջանկյալ անջատիչների ելքը պետք է միացվի վերջին երկստեղն տարանցիկ սարքին:

Տարանցիկ անջատիչների հայտնի արտադրողներ

Legrand ընկերությունը զբաղեցնում է առաջատար դիրքեր էլեկտրական ապրանքների շուկայում: Legrand տարանցիկ անջատիչների պահանջարկը պայմանավորված է արտադրանքի բարձր որակով, տեղադրման հեշտությամբ, հետագա օգտագործման հարմարավետությամբ, նորաձև դիզայնով և ճկուն գնային քաղաքականությամբ: Միակ թերությունն այն տեղադրման տեղում տեղավորելու անհրաժեշտությունն է: Եթե այն չհամընկնի ապրանքի հետ, դժվարություններ կառաջանան մոնտաժի ընթացքում, որը կատարվում է ըստ Legrand տարանցիկ անջատիչի միացման սխեմայի:

Legrand ֆիրմայի տարանջիկ անջատիչներ

Legrand-ի դուստր ձեռնարկություն է հանդիսանում չինական Lezard ձեռնարկությունը: Սակայն, հայրենի բրենդի ապրանքներից մնացել է միայն նորաձև դիզայնը: Արտադրանքի որակը բավականին ցածր է, ինչը պայմանավորված է ցածր գնով:

Wessen ֆիրմայի ապրանքատեսակներն ունեն ունիվերսալ նորաձև դիզայն, որը թույլ է տալիս ներառել յուրաքանչյուր տարրը տարածքի ցանկացած ինտերիերում: Wessen անջատիչների տարբերակիչ առանձնահատկությունն է հանդիսանում առանց սարքն ապամոնտաժելու դեկորատիվ շրջանակը փոխարինելու  հնարավորությունը:

Մեկ այլ ոչ պակաս հայտնի արտադրող է Viko թուրքական ընկերությունը: Ապրանքները բնութագրվում են բարձր որակով, հուսալիությամբ և երկարակեցությամբ և համապատասխանում են էլեկտրական անվտանգության որակի եվրոպական ստանդարտներին: Սարքի իրանի արտադրման ընթացքում կիրառվում է հրադիմացկուն կարծր պլաստիկ, որը նախատեսված է աշխատանքի մեծաքանակ ցիկլերի համար:

Տարանցիկ անջատիչի մոտ, ի տարբերություն հասարակի, երեք տարանցիկ լարեր են

Թուրքական Makel ապրանքանիշն առաջարկում է բարձրորակ, հուսալի, անվտանգ և նորաձև արտադրանք: Այս անջատիչների տեղադրումը ավելի պարզ է, իսկ հետագա շահագործումը՝ հարմարավետ և անվտանգ:

Տարանցիկ անջատիչների հանրաճանաչ մոդելային շարք

Velena շարքից Legrand տարանցիկ անջատիչները տարբերվում են նորաոճ դիզայնով և գունային տարբերակների բազմազանությամբ: Այստեղ ներկայացած են միաստեղն և երկստեղն արտադրատեսակներ, որոնք ունեն փոշուց և խոնավությունից պաշտպանող շերտ, իսկ արժեքը կազմում է շուրջ 2000 դրամ:

Celiane շարքը ներառում է այն ապրանքները, որոնց շրջանաձև ստեղնը ներառված է քառակուսի շրջանակի մեջ: Դրանք կարող են լինել անհպում լծակներով կամ անաղմուկ: Անջատիչների արժեքը սկսվում է 5000 դրամից: Exclusive Celiane մոդելային շարքը ներկայացված է սահմանափակ քանակի անջատիչներով, որոնք ձեռքով պատրաստված են մարմարից, եղեգից, ճենապակուց, ոսկուց, մրտենուց և այլ նյութերից: Շրջանակները պատրաստվում են բացառապես պատվերով: Արտադրանքի գները սկսվում են 43000 դրամից:

Կարդացե՛ք նաև՝ Արևային մարտկոցներ սեփական ձեռքերով. Էլեկտրամատակարարման մատչելի աղբյուր

Գունային լուծումներ Celiane շարքի անջատիչների համար

Lezard ընկերությունից ամենահայտնի անջատիչների շարքն են հանդիսանում Demet, Mira և Deriy ապրանքանիշները: Այստեղ ներկայացված են չայրվող պոլիկարբոնատից պատրաստված ապրանքներ, ինչը համապատասխանում է էլեկտրական անվտանգության պահանջներին: Հոանքը հաղորդող տարրերը կազմված են ֆոսֆորային բրոնզից, որը բնութագրվում է բարձր հաղորդունակությամբ և քիչ տաքանալով: Միաստեղն տարանցիկ անջատիչը կարելի է ձեռք բերել սկսած 900 դրամից:

Wessen-ի W 59 Frame շարքում կիրառվում է մոդուլային սկզբունք, որը թույլ է տալիս տեղադրել 1-4 սարքավորում 1 շրջանակում հորիզոնական կամ ուղղահայաց: Ապրանքի արժեքը կազմում է շուրջ 1000 դրամ: Asfora շարքն առանձնանում է հասարակ դիզայնով և բարձր որակով եզակի և երկակի  տարանցիկ անջատիչներով, որոնք կարելի է գնել 3300 դրամից սկսած:

Makel ընկերության հայտնի շարքերից կարելի է ընդգծել Defne-ն և Makel Mimoza-ն: Սարքավորման իրանը պատրաստվում է բարձրորակ պլաստիկից՝ հագեցած ներքին հուսալի մեխանիզմով: Ապրանքների արժեքը սկսվում է 1100 դրամից:

Անջատել/միացնել կոճակը սեղմելիս տարանցիկ անջատիչի շարժական կոնտակտը տեղափոխվում է մի կոնտակտից մյուսը՝ դրանով պայմաններ ստեղծելով հետագա նոր շղթայի համար:

Անջատիչ սարքավորումների տեղադրումը և աշխատանքի սկզբոնքը էական բարդություն չի ներկայացնում: Պետք է նախ ուսումնասիրել միացման սխեման և հետևել էլեկտրական անվտանգության կանոնների պահանջներին, ինչը հնարավորություն կտա իրականացնել սարքերի հուսալի և անվտանգ տեղադրում, այդպիսով ապահովելով տան լուսավորման սարքերի հարմարավետ և հարմար կառավարում:

Իսկ լիակատար հանգստության համար աշխատանքը կարող եք վստահել մասնագետ-վարպետին՝ ուղղակիորեն պատվիրելով աշխատանքների կատարումը Varpet հավելվածի մոջոցով, որը կարող եք ներբեռնել այստեղից:

varpet
Հետաքրքիր հոդվածներ
3-03-2020
Բնակարանի նորոգումը նորակառույց շենքում ունի բազմաթիվ նրբություններ: Ընդհանրապես, նորակառույցում բնակարան ընտրելիս առավել հաճախ նախապատվությունը տրվում է առանց հարդարման կացարանին: Իհարկե, նման անշարժ գույքի գինը շատ ավելի ցածր է, քան սովորական վերանորոգված բնակարաններինը: Բացի այդ, այս տարբերակը հնարավորություն է տալիս կատարել բոլոր վերանորոգման և հարդարման աշխատանքները սեփական ցանկություններին և ֆինանսական հնարավորություններին համապատասխան:
6-06-2019
              Անհնար է պատկերացնել սանհանգույցն առանց զուգարանակոնքի: Դեռ ոչ շատ վաղուց բոլորը տեղադրում էին գրեթե միատեսակ բաքով հագեցված հավաքածուներ, որոնք հաճախ չէին տեղավորվում սենյակի տրամաչափերի մեջ: Ներկայումս այս խնդիրը լուծվել է, քանի որ վաճառակետերում ներկայացված են տարբեր ձևերի, գույների և չափերի զուգարանակոնքեր: Գնորդը հնարավորություն ունի ընտրելու համապատասխան նմուշը, որը կարող է լինել կախովի, սոլո-զուգարանակոնք կամ նույնիսկ սենյակում իդեալական տեղավորվող մանկական տարբերակը:
6-06-2019
Չժանգոտվող պողպատից խոհանոցի լվացարանը դիտարկվում է կերակուր պատրաստելու խոհանոցային վառարանի հետ մեկտեղ՝ որպես ընտանիքի սննդի կազմակերպման հետ կապված երկու հիմնական տարրերից մեկը: Լավ ընտրված ապրանքը թույլ կտա խնամքով լվանալ մրգերը, բանջարեղենը և այլ մթերքը: Օգտագործված սպասքը կհաջողվի արագ բերել կատարյալ մաքրության: Նախընտրած ոճով խոհանոցային տարածության կազմակերպումը սեփականատիրոջ համար դժվարություն չի կազմի:
6-06-2019
Այս հոդվածում կուսումնասիրենք ինչպիսի առանձնահատկություններ ունի էլեկտրատեխնիկական կցամասերի այնպիսի տեսակը, ինչպիսին վարդակն է, ինչպես տեղադրել և միացնել կոնստրուկցիան ցանցին, ինչպիսի հերթականությամբ կատարել գորխողությունները, տարածված սխեմաները և մասնագետների խորհուրդները անվտանգության պահպանման վերաբերյալ:
6-06-2019
Լուսատու սարքավորումների շահագործման կոմֆորտի և հարմարավետության բարձրացման համար տարանցիկ անջատիչի միացման գծագիրն արտացոլում է կոմունիկացիոն սարքավորման աշխատանքի սկզբունքը: Դրա օգնությամբ կարելի է իրականացնել տարածքի լուսավորման կառավարումը ցանկացած կետից:
6-06-2019
Այս հոդվածից կարելի է իմանալ, թե ինչ առանձնահատկություններ ունեն հեռակառավարման վահանակով ջահերը. առկա արտադրատեսակների դասակարգումը, դրանց բնութագրական գծերը, գործողության սկզբունքը: Տրվում են խորհուրդներ, որոնք կօգնեն ընտրել բարձրորակ սարքեր ըստ հիմնական չափանիշների, ինչպես նաև ջահի տեղադրման և վերանորոգման գործընթացի մանրամասն նկարագրության ուղենիշներ՝ խափանումների ամենատարածված տարբերակներով:
6-06-2019
Այսօր շատ ամառանոցների սեփականատերեր զբաղված են էլեկտրաէներգիայի այլընտրանքային աղբյուրների փնտրտուքով: Արևային վահանակների տեղադրումն աստիճանաբար ձեռք է բերում իր ժողովրդականությունը: Սակայն ոչ բոլորը կարող են թույլ տալ իրենց գնել թանկարժեք սարքավորումներ:
6-06-2019
Թվում է, թե ավելի հեշտ խնդիր չկա, քան լոգասենյակում լուսավորությունը կազմակերպելը, որի լուսանկարը հետաքրքրություն կներկայացնի իրենից: Սակայն այս կարծիքը չի համապատասխանում իրականությանը:
7-07-2019
Հաճախ կարելի է լսել, որ վերանորոգումը հեշտ է սկսել, բայց դժվար է այն ավարտելը: Պնդումը ճիշտ է այն դեպքում, երբ սեփականատերերը չունեն հստակ նպատակ և գործողությունների մանրամասն ծրագիր տան վերափոխման առնչությամբ: Հետևաբար կարևոր է ունենալ հստակ պատկերացում, թե ինչ պետք է ստացվի արդյունքում: Տների վերանորոգումը սկսելիս պետք է ուշադիր մտածել բոլոր փուլերը և նպատակասլացորեն հետևել մտացածի իրականացմանը: Ինչպես անել դա, կհուշի այս հոդվածը: