fbpx
5-05-2020

Ինչպիսի տանիք ընտրել․ Ի՞նչն է պետք հաշվի առնել տանիք ընտրելիս

Տանիքի ձևի ընտրությունը

Գլխին տանիք ունենալը կենսական անհրաժեշտություն է, գեղեցիկ տանիք ունենալը լավ է, սակայն բավարար չէ: Բացի արտաքին տեսքից, տանիքը պետք է հուսալի և ամուր լինի: Տան պատշաճ տանիքի նյութ ընտրելը կարևոր որոշում է, որն ազդում է դրա պահպանման և շահագործման երկարակեցության վրա։

Ներկայում ​​շինարարության մեջ կիրառվում են տանիքների բազմազան տեսականի։ Այստեղ հիմնական խնդիրը տասնյակ առաջարկների մեջ չխճճվելն ու ճիշտ ընտրություն կատարելն է: Այս խնդրի հետ առավել հաճախ բախվում են նրանք, ովքեր ցանկանում են սեփական տուն կառուցել:

Եկեք միասին հասկանանք, թե ինչպիսի տանիք և տանիքի ծածկ է պետք ընտրել, որպեսզի հետագայում դրանք խնդիրներ չառաջացնեն և ծառայեն Ձեզ երկար տարիներ։

Տանիքի ընտրության համար շուկայում բազմաթիվ տարբերակներ են առաջարկվում։
Փնտրո՞ւմ եք հուսալի տանիքի ծածկ․ այս հոդվածը կօգնի ընտրել Ձեր տան համար լավագույն տարբերակը:

Ի դեպ, Varpet-ի օգտատե՞ր եք. հոդվածում կարող եք ծանոթանալ նաև մեր գործընկեր խանութ- սրահների կողմից Varpet հավելվածի օգտատերերին տրամադրված զեղչերի մասին:

Հետաքրքրեց, դե ինչ, ուրմեն, առաջ շարժվենք։

Ի՞նչն է կարևոր տանիք ընտրելիսՏանիքի ընտրություն

Տանիք ընտրելիս բոլորս էլ առնվազն մտածում ենք կամ գոնե հուսով ենք, որ ստիպված չենք լինելու փոխել այն երկար ժամանակ։ Իհարկե, կարևոր է և ավելի լավ է նախապես խուսափել սխալներից, որոնք հետագայում կարող են Ձեզ վրա թանկ արժենալ։

Շուկայում տանիքների տեսակները շատ բազմազան են։ Տանիքածածկման նյութ ընտրելիս անհրաժեշտ է հիշել, որ այս գործընթացում հիմնական դեր են խաղում հետևյալ պարամետրերը՝ հարմար դիզայն, մատչելի գին, պիտանելիության ժամկետ և տեղադրման դժվարության բացակայություն:

Տանիքի ձևի ընտրությունը

Տանիքի ձևի ընտրությունն ավելի լավ է որոշել ապագա տան նախագծման փուլում, ինչը հնարավորություն կտա ճշգրտորեն հաշվի առնել դրա պատվանդանի (խարսխի) կառուցվածքն ու անհրաժեշտ շինանյութերի ճիշտ հաշվարկ կատարել:

Տանիքի ձևը պարտադիր չէ սիմետրիկ լինի. ցանկության դեպքում լանջերի թեքությունը կարող է տարբեր լինել, ինտերիերի դասավորությունը նույնպես կախված կլինի դրանից: Եթե տան հատակագիծը ներառում է ուղղանկյունից տարբերվող ձև, ապա տանիքն ավելի բարդ կլինի: Տանիքը կարող է ունենալ.

  • թեք և կախովի գորգեր,
  • թեքության անկանոն անկյուններ,
  • տարատեսակ շարաներ։

Տանիքի պատվանդանները լինում են՝ փայտե և երկաթե։

Ինչից է կախված տանիքի ընտրությունը

Հիմնականում «ճիշտ» տանիքի ընտրությունը պայմանավորված է այն կլիմայական պայմաններով, որտեղ կառուցված է և շահագործվում է տունը։

Եթե ապրում եք խոնավ կլիմայական պայմաններում, կարևոր է խուսափել տանիքի վրա ջրիմուռների աճից: Մետաղական տանիքը հիանալի ընտրություն է խոնավ տարածքներում: Մետաղը դիմացկուն է ժանգի և ջրի հանդեպ: Մետաղի մակերևույթը կասեցնում է ջրիմուռների աճը: Մետաղական տանիքը նաև քամու ժամանակ ավելի դիմացկուն է, քան տանիքների մեծ մասը:

Կարևոր է։ Պետք է ուշադրություն դարձնել տանիքի ծածկույթի համար նախատեսված ջերմաստիճանին, քանի որ այն ամռանը շատ է տաքանում: Անհրաժեշտ է հաշվի առնել նաև տանիքի ծածկույթի քաշը, քանի որ ձյան ծանրությունը որոշ դեպքերում կարող է որոշիչ դառնալ:

Ձնառատ վայրերում տանիքները մի քանի ամսվա ընթացքում հսկայական ձյուն են կուտակում, սակայն դա չպետք է խանգարի Ձեզ օգտագործել այն գեղեցիկ տարբերակը, որը նախընտրում եք։ Պարզապես հարկ է հիշել, որ տվյալ դեպքում Ձեր տանիքը կպահանջի լրացուցիչ ամրացում։ Այսինքն՝ տանիքի նախագծման ժամանակ ձյան բեռը պետք է հաշվի առնվի, անկախ տանիքի ծածկույթի համար ընտրված նյութից:

Օգտակար խորհուրդ։ Մասնագետները խորհուրդ են տալիս տանիք կառուցելիս անպայման ձնարգելքներ տեղադրել։ Դրանց շնորհիվ հնարավոր կլինի խուսափել տանիքից թափվող ձնակույտերից, որոնք կարող են որևէ կերպ Ձեզ վնաս հասցնել։

Կարևոր է։ Մասնագետները խորհուրդ են տալիս տանիք կառուցելիս, չմոռանալ նաև ջրհորդանների կարևորության մասին, դրանց շնորհիվ ավելի սահուն կերպով կկատարվի տանիքից անձրևաջրերի հեռացումը։ Ջրհորդանները հիմնականում միացնում են տան կոյուղագծին։

Ցանկալի է, ամեն սեզոնին ջրհորդանները մաքրել, որպեսզի քամուց, փոշուց կամ անձրևից հետո այդտեղ հավաքված աղբը ջրի հոսքը չարգելակի։

Ի գիտություն։ Ի տարբերություն անապատային կլիմայի, սառը գոտիները մուգ տանիք ունեն, որպեսզի ներքաշեն արևի լույսը․մուգ տանիքն ավելի շատ է ջերմությունը կլանում։

Ընտրության տարբերակներ

– մետաղական կղմինդր,
– փափուկ բաղդատի,
– կերամիկական սալիկներ,
– կոմպոզիտային կղմինդր,
– ավազ-ցեմենտ կղմինդր,
– պողպատե,
– շիֆեր (առավել տնտեսող տարբերակ է):

Ընտրությունը յուրաքանչյուր դեպքում առանձին է դիտարկվում։ Այստեղ ունիվերսալ խորհուրդ չկա:
Իհարկե, կարևոր է հաշվի առել այնպիսի գործոններ, ինչպիսիք են տան ոճն ու տանիքի արժեքը, որպեսզի կարողանաք հստակ հասկանալ, թե որ տարբերակն է հարմար Ձեր տան համար: Այնուամենայնիվ, ընտրություն կատարելիս անհրաժեշտ է․

  1.  Նախևառաջ ընտրել ցանկալի ծածկույթի դիզայնը և ապրանքանիշը/ արտադրողին,
  2. Այդ արտադրողից ընտրել որոշակի արտադրանք, հաշվի առնելով դրա տեխնիկական հատկությունները և գինը (հաշվի առեք, միևնույն ապրանքի գինը կարող է զգալիորեն տարբերվել խանութի վայրով պայմանավորված):
  3. Նույնիսկ բարձրորակ նյութերից պատրաստված տանիքը երկար չի ծառայի, եթե չեք հետևում տվյալ նյութի շահագործման կանոններին:
  4. Տանիքի ծառայության ժամկետը մեծապես կախված է նաև դրա ճիշտ տեղադրումից։
  5. Տանիք ընտրելիս, անհրաժեշտ է հաշվի առնել դրա ձևը: Եթե ​​նախատեսում եք բարդ ձևի տանիք կառուցել, տարբեր ձևերի լանջերով (օրինակ` բազմանկյուն), անհրաժեշտ է հաշվի առնել, որ դրա թափոնների քանակը կգերազանցի նյութի ընդհանուր գումարի 30%- ը: Նմանատիպ տանիքը թանկ կարժենա։ Հետևաբար, բարդ տանիքի համար ավելի լավ է օգտագործել տարբեր նյութեր, օրինակ, փափուկ սալիկ կամ այլ ծածկույթ, որպեսզի տեղադրման ընթացքում ծախսերը շատ մեծ չլինեն:

Ի գիտություն։ Մետաղական տանիքը կարող է լինել թաց և խոնավ տարածքների լավագույն տարբերակը։
Սալիկներն իդեալական են անապատի համար։

Ի գիտություն։ Հին եգիպտացիների, բաբելոնացիների, հույների և հռոմեացիների շենքերը ծածկված էին կավե սալիկներով: Այդ սալիկները, որոնք պատրաստված էին կավից, հետագայում տարածվեցին ողջ Ասիայում և Եվրոպայում:

Մետաղյա տանիքի տեղադրումը զգալիորեն քիչ ծախսեր է առաջացնում:

Տանիքների տեսակներ

Առանձնացվում են տանիքի երկու տեսակ՝

Թեք։ Սրանք այն տեսակներն են, որոնք մեծամասամբ կիրառվում են առանձնատների և ցածրահարկ շինությունների դեպքում: Ծածկող նյութը տեղադրվում է հորիզոնի նկատմամբ որոշակի անկյան տակ, և բոլոր տեղումները բնական ճանապարհով թափվում են տանիքից։ Այստեղ կարևորը ճիշտ անկյուն ընտրելն է։

Հորիզոնական: Ավանդական լուծում` բարձրահարկ շենքերի համար: Իրականացվում է ջրամեկուսիչի նյութապատման մեթոդով կամ գլանափաթեթային նյութերի կիրառմամբ: Տեղումների հեռացումը իրականացվում է հաշվարկված փոքր անկյան և ջրահեռացման համակարգի միջոցով:

Ի գիտություն։ Բնակարանային տանիքները կառուցվում են 1-3 աստիճանի թեքությամբ, ինչը բավարար է ժամանակին խոնավությունը մակերևույթից հեռացնելու համար:

Ի գիտություն։ Առավելություն կարող է դիտարկվել այն իրողությունը, երբ տանիքը վերնահարկի սենյակների հնարավորություն է տալիս։

Մասարդի տանիքը կարող է լինել ցանկացած ձևի և տիպի։ Այստեղ հիմնականը կոտրված լանջի առկայությունն է, ինչը մեծացնում է ինտերիերի բարձրությունը: Այս տարբերակի շնորհիվ հնարավոր է նվազագույնի հասցնել ապագա սենյակներում առաստաղի թեքման անկյունը: Մասարդի տանիքը թույլ է տալիս ունենալ ավելի ընդարձակ սենյակ երկրորդ հարկում։

Ձեղնահարկի տանիքում վերին և ստորին գորգերը միացված են միմյանց հետ, ինչի շնորհիվ ստեղծվում է բարձր ամրության կառուցվածք: Նման տանիքի բեռի կրող համակարգի կառուցումը, ի տարբերություն ուղղակի լանջի շրջանակների, որոշ չափով բարդ է, և տանիքի մեծ տարածքը ծախսերի բարձրացման վրա է ազդում: Այնուամենայնիվ, բոլոր լրացուցիչ ծախսերը «վճարվում» են` ավելի շատ բնակելի տարածք է ձեռք բերվում: Ժամանակակից տներում ձեղնահարկը լիարժեք հյուրասենյակ է, բարձր առաստաղներով։

Ինչպիսի՞ տանիք ընտրել

Միայն արտաքին տեսքին և գնային սահմանին ուշադրություն դարձնելով շատերը չեն էլ պատկերացնում, թե որքան ժամանակ տանիքը կծառայի, արդյոք այն ապահով կլինի, կպաշտպանի տեղումներից և ցուրտ եղանակից, հեշտ կլինի վերանորոգելը, թե՝ ոչ։

Տանիքի նյութը ընտրելու ժամանակ անհրաժեշտ է ուշադրություն դարձնել հետևյալ գործոններին՝

  1. ԵրկարակեցությունԻնչպիսի՞ տանիք ընտրել
  2. Մեկուսացման հատկություննր
  3. Քաշ
  4. Տանիքի մոդուլի չափեր
  5. Հավաքման դժվարություն
  6. Գնային սահման
  7. Արտաքին տեսք
  8. Անվտանգություն

Տանիքի երկարակեցությունը կապված է ընտրված նյութի հատկությունների հետ, որոնցից պատրաստված է տանիքը:

Ի գիտություն։ Տանիքին սպառնացող հիմնական վտանգներն են ձյան առատ տեղումներից առաջացած շերտերի ճնշումը և կայծակի ուժեղ հարվածները, որոնցից կարող է անգամ հրդեհ սկսվել: Գրեթե բոլոր ժամանակակից նյութերը ունակ են հիանալի պաշտպանել Ձեր տունը այդ վտանգներից: Եթե այս բոլոր գործոնները հաշվի առնեք տան կառուցման պլանավորման ժամանակ, ապա այն Ձեզ ծառայի շատ երկար տարիներ:

Լավ մեկուսացնող հատկությունով օժտված տանիքը ոչ միայն կպաշտպանի Ձեր տունը, այլ նաև Ձեր ֆինանսները։ Մեկուսացնող տանիքը թույլ կտա ավելի քիչ գումար ծախսել ջեռուցման նպատակներով:

Ոչ պակաս կարևոր գործոն է տանիքի քաշը, որովհետև չհաշվարկված քաշով տանիքը ժամանակի ընթացքում կարող է ճնշում գործադրել տան պատերի վրա, մանավանդ ձմեռային ամիսներին, երբ տանիքը կարող է լինել ձյան ծանր շերտի տակ:

Տանիքի մոդուլի չափը ևս կարևոր է, քանի որ, դրա ճիշտ ընտրությունը կարող է կրճատել տեղադրելու գործընթացն ու խնայել ժամանակը:
Ի գիտություն։ Թափոնների քանակը քչացնելու համար խորհուրդ է տրվում ընտրել ճկուն և հատիկավոր մոդուլներ:

Կարևոր է։ Տանիք կառուցելիս հարկավոր է ունենալ ճկուն բյուջե, որովհետև շատ դեպքերում տանիքի տեղադրումն ավելի թանկ է արժենում, քան նախատեսվում էր՝ տարբեր մասերի գների տատանման և տեղադրման ժամանակ թափոնների քանակի ավելացման պատճառով:

Ինչն է կարևոր գնելիս

Տանիք ընտրելիս կարևոր են ոչ միայն գույներն ու ձևերը, անհրաժեշտ է հաշվի առնել կլիմանական ռիսկերը և ոչ միայն։

Գնելիս անպայման պետք է ուշադրություն դարձնել հետևյալին․

  • Արտաքին տեսք: Մակերեսը պետք է լինի առանց կոպիտ և փոքր ճաքերի, հարթ: Գունավոր նյութերի պարագայում ներկը չպետք է ճաքճքվի: Թեթև ճկումից, պրոֆիլավորված պետք է վերադառնա իր նախկին ձևին և պահպանի այն:
  • Ապրանքների որակի վկայականի առկայությունը: Կարող եք գտնել նաև Ձեզ անհրաժեշտ ապրանքների վերաբերյալ սպառողների ակնարկները:
  • Զգուշացեք շատ գրավիչ գներից․ մասնագետների հետ խորհրդակցեք։
  • Զգուշացեք սալիկներից, որոնք չափազանց յուրօրինակ են կամ գալիս այն երկրներից, որոնց մատակարարումը ժամանակին երաշխավորված չէ և հայտնի չէ։Կարևոր է։ Խոշոր ձևաչափերը թույլ կտան նվազեցնել ծախսերը մեկ քառակուսի մետրի համար․ ապրանքի և դրա տեղադրման համար: Եթե ​​տանիքում կան թերություններ, դրանք պետք է անհապաղ վերացվեն: Տանիքի թերությունները կարող են հանգեցնել ոչ միայն տան ներսում ջերմաստիճանի նվազմանը, այլև` տանիքի կառույցների աստիճանաբար քանդմանը:

Որքա՞ն արժե տանիքի ծածկը

Տանիքն ունի «գին – որակ» օպտիմալ հարաբերակցությանն անհրաժեշտ է ուշադրություն դարձնել, քանի որ տան ծածկույթի որակը, ջերմության և չորության պահպանումը ուղղակիորեն կախված է Ձեր ընտրությունից: Մի շարք գործոններ ազդում են տանիքի ծածկերի գնի վրա.

  • թերթիկի հաստությունն ու երկարությունը,
  • գույնը կամ պաշտպանիչ նկարը,
  • նյութի դասակարգը, որից պատրաստված է թերթիկը,
  • ծագման երկիր:

Մինչ խանութ այցելելն անհրաժեշտ է նախնական հաշվարկ իրականացնել տանիքի չափերի, դրա լանջերի անկյունների և վաճառվող թերթերի գծային պարամետրերի հիման վրա: Միայն դրանից հետո կարող եք խանութ գնալ ՝ համապատասխան քանակի նյութ պատվիրելու համար:

Ի գիտություն։ Տանիքի արժեքը բաղկացած է ոչ միայն նյութերից և դրանց երկարակեցությունից, այլ նաև տեղադրման արժեքից: Կարևոր է հաշվի առնել նաև տանիքի շահագործման ծախսերը, այսինքն՝ մանր շտկումներն ու վերանորոգումը և ընտրել նվազագույն ծախսեր ունեցող տարբերակը։

Այսինքն՝ մատչելի տանիքի ընտրության հարցը համալիր մոտեցում է պահանջում:

Ծախսերի ընդհանուր նախահաշիվը ներառում է նաև տանիքի առանձին տարրերի գինը, ինչը կախված է նաև ծածկի քաշից, որը երբեմն լրացուցիչ ամրացում է պահանջում։

Ծածկերը լինում են՝ թեթև և ծանր։ Սա կարևոր նշանակություն ունի տանիքի կոնստրուկտիվ առանձնահատկությունները հաշվարկելիս: Ընդհանուր առմամբ տների նախագծերը նախատեսում են այնպիսի կոնստրուկցիաներ, որոնք ունակ են դիմանալու նաև ծանր ծածկի՝ քամու ու ձյան առավելագույն ծանրությունը։ Կտուրի վերին պատվածքը անմիջականորեն ենթարկվում է մթնոլորտային ազդեցություններին։

Տանիքները լինում են ձեռնահարկով և առանց ձեղնահարկի։ Տարբերվում են ըստ օգտագործվող տանիքանյութերի։ Այսպես, տանիքը պետք է լինի թեթև, ամուր ու դիմացկուն, պատրաստման և շահագործման տեսակետից տընտեսողաբեր, համապատասխանի հրդեհային անվտանգության պայմաններին։

Փնտրում եք տանիքի ծածկ։ Նախևառաջ անհրաժեշտ է ընտրել տանիքի տեսակը։ Դրանք են՝ միակողմանի, երկկողմանի, ծրար, բուրգ, իսկ հետո արդեն նախնական հաշվարկ կատարել։ Սակայն, վերջնական հաշվարկի համար լավ կլինի դիմել փորձառու մասնագետներին։

Հայաստանյան շուկայում տանիքի համար նախատեսված նյութերի գնային միջակայքը բավականին մեծ է՝ 1 քմ-ի համար այն սկսվում է 1500 դրամից հասնելով մինչև տասնյակ հազար դրամ:

Ուշադրություն։ Varpet-ի օգտատերերին

Մեր հարթակի տարբեր գործընկեր խանութ- սրահները Varpet հավելվածի օգտատերերին տրամադրում են հատուկ զեղչեր՝ տարբեր ապրանքներ գնելու դեպքում։ Տրամադրվող զեղչերի ամբողջական ցանկին կարող եք ծանոթանալ Varpet հավելվածի «Գործընկերներ» բաժնում, որտեղ քարտեզի վրա կարող եք գտնել խանութ- սրահների հասցեների, հեռախոսահամարների ու տրամադրվող զեղչերի մասին ինֆորմացիա: Որոշել եք սկսել Ձեր տան վերանորոգումը: Այս զեղչերը հենց Ձեզ համար են, պարզապես ներբեռնեք Varpet հավելվածն և օգտվեք համապատասխան զեղչերից:

Հաճելի գնումներ:

Վստահեք Ձեր տանիքը մասնագետներին

Տանիք կառուցելը բավականին բարդ գործ է, այն լուրջ հաշվարկներ է ենթադրում։ Հետևաբար, լավ կլինի այս դժվարին գործը վստահել մասնագետներին։

Այսպես, Varpet հավելվածում գրանցված հմուտ վարպետները պատրաստ են օգնել Ձեզ։ Ցանկացած տիպի և բարդության տանիքների պատրաստման ու մոնտաժման աշխատանքները կարող եք վստահել պրոֆեսիոնալներին: Պարզապես ներբեռնեք հավելվածն այստեղից և պատվիրեք համապատասխան ծառայությունը: Ընդամենը հաշված րոպեների ընթացքում հմուտ վարպետն ինքը կգտնի Ձեզ, ում կարող եք վստահել Ձեր տան տանիքի պատրաստման կարևոր գործը:

Հոդվածի ամփոփում

Շուկայում տանիքների տեսակները շատ բազմազան են։ Տանիքածածկման նյութ ընտրելիս անհրաժեշտ է հիշել, որ այս գործընթացում հիմնական դեր են խաղում հետևյալ պարամետրերը՝ հարմար դիզայն, մատչելի գին, պիտանելիության ժամկետ և տեղադրման դժվարության բացակայություն:

Տանիքի ձևի ընտրությունն ավելի լավ է որոշել ապագա տան նախագծման փուլում, ինչը հնարավորություն կտա ճշգրտորեն հաշվի առնել խարսխի կառուցվածքն ու անհրաժեշտ շինանյութերի ճիշտ հաշվարկ կատարել:

Հիմնականում «ճիշտ» տանիքի ընտրությունը պայմանավորված է այն կլիմայական պայմաններով, որտեղ կառուցված է և շահագործվում է տունը։

Եթե ապրում եք խոնավ կլիմայական պայմաններում, կարևոր է խուսափել տանիքի վրա ջրիմուռների աճից: Մետաղական տանիքը հիանալի ընտրություն է խոնավ տարածքներում: Մետաղը դիմացկուն է ժանգի և ջրի հանդեպ: Մետաղի մակերևույթը կասեցնում է ջրիմուռների աճը:

Պետք է ուշադրություն դարձնել տանիքի ծածկույթի համար նախատեսված ջերմաստիճանին, քանի որ այն ամռանը շատ է տաքանում: Անհրաժեշտ է հաշվի առնել նաև տանիքի ծածկույթի քաշը, քանի որ ձյան ծանրությունը որոշ դեպքերում կարող է որոշիչ դառնալ:

Ձնառատ վայրերում տանիքները մի քանի ամսվա ընթացքում հսկայական ձյուն են կուտակում, սակայն դա չպետք է խանգարի Ձեզ օգտագործել այն գեղեցիկ տարբերակը, որը նախընտրում եք։ Պարզապես հարկ է հիշել, որ տվյալ դեպքում Ձեր տանիքը կպահանջի լրացուցիչ ամրացում։

Ի տարբերություն անապատային կլիմայի, սառը գոտիները մուգ տանիք ունեն, որպեսզի ներքաշեն արևի լույսը․ մուգ տանիքն ավելի շատ է ջերմությունը կլանում։

Նույնիսկ բարձրորակ նյութերից պատրաստված տանիքը երկար չի ծառայի, եթե չեք հետևում տվյալ նյութի շահագործման կանոններին:

Տանիքի ծառայության ժամկետը մեծապես կախված է դրա ճիշտ տեղադրումից։

Տանիք ընտրելիս, անհրաժեշտ է հաշվի առնել դրա ձևը: Եթե ​​նախատեսում եք բարդ ձևի տանիք կառուցել, տարբեր ձևերի լանջերով (օրինակ` բազմանկյուն), անհրաժեշտ է հաշվի առնել, որ դրա թափոնների քանակը կգերազանցի նյութի ընդհանուր գումարի 30%- ը: Նմանատիպ տանիքը թանկ կարժենա։ Հետևաբար, բարդ տանիքի համար ավելի լավ է օգտագործել տարբեր նյութեր, օրինակ, փափուկ սալիկ կամ այլ ծածկույթ, որպեսզի տեղադրման ընթացքում ծախսերը շատ մեծ չլինեն:

Տանիքների տեսակներ

Թեք։ Սրանք այն տեսակներն են, որոնք մեծամասամբ կիրառվում են առանձնատների և ցածրահարկ շինությունների դեպքում: Ծածկող նյութը տեղադրվում է հորիզոնի նկատմամբ որոշակի անկյան տակ, և բոլոր տեղումները բնական ճանապարհով թափվում են տանիքից։ Այստեղ կարևորը ճիշտ անկյուն ընտրելն է։

Հորիզոնական: Ավանդական լուծում` բարձրահարկ շենքերի համար: Իրականացվում է ջրամեկուսիչի նյութապատման մեթոդով կամ գլանափաթեթային նյութերի կիրառմամբ: Տեղումների հեռացումը իրականացվում է հաշվարկված փոքր անկյան և ջրահեռացման համակարգի միջոցով:

Բնակարանային տանիքները կառուցվում են 1-3 աստիճանի թեքությամբ, ինչը բավարար է ժամանակին խոնավությունը մակերևույթից հեռացնելու համար:
Առավելություն կարող է դիտարկվել այն իրողությունը, երբ տանիքը վերնահարկի սենյակների հնարավորություն է տալիս։

Մասարդի տանիքը թույլ է տալիս ունենալ ավելի ընդարձակ սենյակ երկրորդ հարկում։
Ժամանակակից տներում ձեղնահարկը լիարժեք հյուրասենյակ է, բարձր առաստաղներով։

Տանիքի նյութը ընտրելու ժամանակ անհրաժեշտ է ուշադրություն դարձնել հետևյալ գործոններին՝ երկարակեցություն, մեկուսացման հատկություններ, քաշ, տանիքի մոդուլի չափեր, հավաքման դժվարություն, գնային սահման, արտաքին տեսք և անվտանգություն։

Տանիքի երկարակեցությունը կապված է ընտրված նյութի հատկությունների հետ, որոնցից պատրաստված է տանիքը և դրանց ճիշտ տեղադրումից:

Լավ մեկուսացնող հատկությունով օժտված տանիքը կպաշտպանի ոչ միայն Ձեր տունը, այլ նաև Ձեր ֆինանսները։ Մեկուսացնող տանիքը թույլ կտա ավելի քիչ գումար ծախսել ջեռուցման նպատակներով:

Ոչ պակաս կարևոր գործոն է տանիքի քաշը, որովհետև չհաշվարկված քաշով տանիքը ժամանակի ընթացքում կարող է ճնշում գործադրել տան պատերի վրա:

Տանիքի մոդուլի չափը ևս կարևոր է, քանի որ, դրա ճիշտ ընտրությունը կարող է կրճատել տեղադրելու գործընթացն ու խնայել ժամանակը: Թափոնների քանակը քչացնելու համար խորհուրդ է տրվում ընտրել ճկուն և հատիկավոր մոդուլներ:

Տանիք կառուցելիս հարկավոր է ունենալ ճկուն բյուջե, որովհետև շատ դեպքերում տանիքի տեղադրումն ավելի թանկ է արժենում, քան նախատեսվում էր:

Տանիք ընտրելիս կարևոր են ոչ միայն գույներն ու ձևերը, անհրաժեշտ է հաշվի առնել կլիմանական ռիսկերը և ոչ միայն։

Տանիքին սպառնացող հիմնական վտանգներն են ձյան առատ տեղումներից առաջացած շերտերի ճնշումը և կայծակի ուժեղ հարվածները, որոնցից կարող է անգամ հրդեհ սկսվել: Գրեթե բոլոր ժամանակակից նյութերը ունակ են հիանալի պաշտպանել Ձեր տունը այդ վտանգներից: Գնելիս անպայման պետք է ուշադրություն դարձնել հետևյալին՝ արտաքին տեսք, (մակերեսը պետք է լինի առանց կոպիտ և փոքր ճաքերի, հարթ: Գունավոր նյութերի պարագայում ներկը չպետք է ճաքճքվի), ապրանքների որակի վկայականի առկայությունը (կարող եք գտնել նաև Ձեզ անհրաժեշտ ապրանքների վերաբերյալ սպառողների ակնարկները), զգուշացեք շատ գրավիչ գներից․ մասնագետների հետ խորհրդակցեք։

Խոշոր ձևաչափերը թույլ կտան նվազեցնել ծախսերը մեկ քառակուսի մետրի համար․ ապրանքի և դրա տեղադրման համար: Եթե ​​տանիքում կան թերություններ, դրանք պետք է անհապաղ վերացվեն: Տանիքի թերությունները կարող են հանգեցնել ոչ միայն տան ներսում ջերմաստիճանի նվազմանը, այլև` տանիքի կառույցների աստիճանաբար քանդմանը:

Ծածկերը լինում են՝ թեթև և ծանր։ Սա կարևոր նշանակություն ունի տանիքի կոնստրուկտիվ առանձնահատկությունները հաշվարկելիս: Ընդհանուր առմամբ տների նախագծերը նախատեսում են այնպիսի կոնստրուկցիաներ, որոնք ունակ են դիմանալու նաև ծանր ծածկի՝ քամու ու ձյան առավելագույն ծանրությունը։

Մասնագետները խորհուրդ են տալիս տանիք կառուցելիս անպայման ձնարգելքներ տեղադրել։ Դրանց շնորհիվ հնարավոր կլինի խուսափել տանիքից թափվող ձնակույտերից, որոնք կարող են որևէ կերպ Ձեզ վնաս հասցնել։

Մասնագետները խորհուրդ են տալիս տանիք կառուցելիս, չմոռանալ նաև ջրհորդանների կարևորության մասին, դրանց շնորհիվ ավելի սահուն կերպով կկատարվի տանիքից անձրևաջրերի հեռացումը։ Ջրհորդանները հիմնականում միացնում են տան կոյուղագծին։

Ցանկալի է, ամեն սեզոնին ջրհորդանները մաքրել, որպեսզի քամուց, փոշուց կամ անձրևից հետո այդտեղ հավաքված աղբը ջրի հոսքը չարգելակի։

 

Շինարարություն, վերանորոգում
Հետաքրքիր հոդվածներ
3-03-2020
Վերանորոգումը հեշտ է սկսել, բայց դժվար է ավարտել: Այս պնդումը հաճախ կարելի է լսել: Սակայն, այն ճիշտ է միայն այն դեպքում, երբ չկա հստակ նպատակ և գործողությունների մանրամասն ծրագիր: Այս հոդվածում մենք կպատմենք Ձեզ, թե ինչպես կարող եք այդ ամենը կազմակերպել: Հոդվածն ընթերցելիս Դուք կիմանաք, թե ինչպես որոշել վերանորոգման տեսակը և դիզայնը: Կկարողանաք նաև հասկանալ, հաշվարկել և կազմել վերանորոգման աշխատանքների արժեքը: Կծանոթանաք տների վերանորոգման աշխատանքների հերթականությանն ու սենյակի հարդարման տարբերակներին: Բացի այդ, կներկայացնենք նաև օգտակար խորհուրդներ, որոնք կարող են օգնել Ձեզ խուսափել մի շարք սխալներից:
3-03-2020
Բնակարանի նորոգումը նորակառույց շենքում ունի բազմաթիվ նրբություններ: Ընդհանրապես, նորակառույցում բնակարան ընտրելիս առավել հաճախ նախապատվությունը տրվում է առանց հարդարման կացարանին: Իհարկե, նման անշարժ գույքի գինը շատ ավելի ցածր է, քան սովորական վերանորոգված բնակարաններինը: Բացի այդ, այս տարբերակը հնարավորություն է տալիս կատարել բոլոր վերանորոգման և հարդարման աշխատանքները սեփական ցանկություններին և ֆինանսական հնարավորություններին համապատասխան:
4-04-2020
Հեղուկ պաստառներն աշխարհում հայտնի են տարբեր անվանումներով. Ֆրանսիայում՝ որպես «պատերի զարմանահրաշ ծածկույթ», Ճապոնիայում՝ «մետաքսե զարդածածկ»: Այն երբեմն կոչում են նաև «դանիական ծեփ», քանի որ այս տեխնոլոգիան առաջին անգամ կիրառվել է դանիացի մասնագետների կողմից:
4-04-2020
Հատակի հուսալիությունը շատ կարևոր է: Որակյալ հատակները որոշում են մեր հարմարավետությունը, լինի դա հյուրասենյակ, խոհանոց կամ լոգարան: Նոր տուն կառուցելիս կամ բնակարանը հիմնանորոգելիս, երբ հերթը հասնում է հատակի հարդարմանը, սովորաբար ցանկացած սեփականատեր, ցանկանում է չսխալվել և ճիշտ ընտրություն կատարել։
4-04-2020
Այժմ շուկայում առաջարկվող շինարարական նյութերի տեսականին սպառողներին ընտրութան լայն հնարավորություններ են տալիս: Դրանց շնորհիվ կարող եք ստանալ Ձեր նախընտրած ինտերիերը։ Ցանկության դեպքում, ամեն բան՝ նույնիսկ առաստաղը, կարող եք վերածել արվեստի գլուխ գործոցի: Այս հոդվածում Ձեզ կպատմենք գիպսակարտոնե առաստաղների մասին։
4-04-2020
Արահետային սալիկների շարումը մի ժամանակ հետաքրքրում էր միայն ամառանոցների և քոթեջների սեփականատերերին: Այժմ իրավիճակը փոխվել է. սալիկային ծածկույթը ժողովրդականություն է վայելում նաև քաղաքային պայմաններում բնակվող այն մարդկանց շրջանում, ովքեր նույնպես ձգտում են ձևավորել և բարեկարգել իրենց հողերը:
4-04-2020
Խոհանոցն օջախի կենտրոնն է: Ուստի տան այս հատվածում հարմարավետությունն անչափ կարևոր է։ Այստեղ հատակի ամրությունը, խոնավադիմացկունությունը, խնամքի պարզությունը, երկարատև շահագործման հնարավորությունը այն չափանիշներն են, որոնք պետք է հաշվի առնել:
5-05-2020
Աստիճանների կառուցումը բավական բարդ խնդիր է։ Այս գործին անհրաժեշտ է շատ զգուշորեն մոտենալ՝ մանրամասն հաշվի առնելով դրա պատրաստման բոլոր կանոնները: Սեփական տների մեծ մասն այսօր ունի մեկից ավելի հարկ, ինչը ենթադրում է աստիճանների առկայություն: Հարց է ծագում, թե ինչպես աստիճան կառուցել դեպի երկրորդ հարկ։
5-05-2020
Գլխին տանիք ունենալը կենսական անհրաժեշտություն է, գեղեցիկ տանիք ունենալը լավ է, սակայն բավարար չէ: Բացի արտաքին տեսքից, տանիքը պետք է հուսալի և ամուր լինի: Տան պատշաճ տանիքի նյութ ընտրելը կարևոր որոշում է, որն ազդում է դրա պահպանման և շահագործման երկարակեցության վրա։
6-06-2019
Նոր լոգնոցի ընտրության խնդիրը ծանոթ է շատերին, ուստի ակրիլային  նմուշները նորույթ չեն: Սակայն, ոչ բոլորը գիտեն, որ այս ապրանքները կարող են բազմագույն լինել: Հետևաբար, այս հրապարակումը տեղեկություն է պարունակում այն մասին, թե ինչպիսի ակրիլային գունավոր լոգնոցներն են իդեալական համապատասխանում այս կամ այն ինտերիերին, ինչպես նաև կներկայացնի, թե ինչով են դրանք տարբերվում նմանատիպ այլ մոդելներից:
6-06-2019
              Անհնար է պատկերացնել սանհանգույցն առանց զուգարանակոնքի: Դեռ ոչ շատ վաղուց բոլորը տեղադրում էին գրեթե միատեսակ բաքով հագեցված հավաքածուներ, որոնք հաճախ չէին տեղավորվում սենյակի տրամաչափերի մեջ: Ներկայումս այս խնդիրը լուծվել է, քանի որ վաճառակետերում ներկայացված են տարբեր ձևերի, գույների և չափերի զուգարանակոնքեր: Գնորդը հնարավորություն ունի ընտրելու համապատասխան նմուշը, որը կարող է լինել կախովի, սոլո-զուգարանակոնք կամ նույնիսկ սենյակում իդեալական տեղավորվող մանկական տարբերակը:
6-06-2019
Այս հոդվածում կուսումնասիրենք ինչպիսի առանձնահատկություններ ունի էլեկտրատեխնիկական կցամասերի այնպիսի տեսակը, ինչպիսին վարդակն է, ինչպես տեղադրել և միացնել կոնստրուկցիան ցանցին, ինչպիսի հերթականությամբ կատարել գորխողությունները, տարածված սխեմաները և մասնագետների խորհուրդները անվտանգության պահպանման վերաբերյալ:
6-06-2019
Լուսատու սարքավորումների շահագործման կոմֆորտի և հարմարավետության բարձրացման համար տարանցիկ անջատիչի միացման գծագիրն արտացոլում է կոմունիկացիոն սարքավորման աշխատանքի սկզբունքը: Դրա օգնությամբ կարելի է իրականացնել տարածքի լուսավորման կառավարումը ցանկացած կետից:
6-06-2019
Այս հոդվածից կարելի է իմանալ, թե ինչ առանձնահատկություններ ունեն հեռակառավարման վահանակով ջահերը. առկա արտադրատեսակների դասակարգումը, դրանց բնութագրական գծերը, գործողության սկզբունքը: Տրվում են խորհուրդներ, որոնք կօգնեն ընտրել բարձրորակ սարքեր ըստ հիմնական չափանիշների, ինչպես նաև ջահի տեղադրման և վերանորոգման գործընթացի մանրամասն նկարագրության ուղենիշներ՝ խափանումների ամենատարածված տարբերակներով:
6-06-2019
Այսօր շատ ամառանոցների սեփականատերեր զբաղված են էլեկտրաէներգիայի այլընտրանքային աղբյուրների փնտրտուքով: Արևային վահանակների տեղադրումն աստիճանաբար ձեռք է բերում իր ժողովրդականությունը: Սակայն ոչ բոլորը կարող են թույլ տալ իրենց գնել թանկարժեք սարքավորումներ:
6-06-2019
Թվում է, թե ավելի հեշտ խնդիր չկա, քան լոգասենյակում լուսավորությունը կազմակերպելը, որի լուսանկարը հետաքրքրություն կներկայացնի իրենից: Սակայն այս կարծիքը չի համապատասխանում իրականությանը:
7-07-2019
Հաճախ կարելի է լսել, որ վերանորոգումը հեշտ է սկսել, բայց դժվար է այն ավարտելը: Պնդումը ճիշտ է այն դեպքում, երբ սեփականատերերը չունեն հստակ նպատակ և գործողությունների մանրամասն ծրագիր տան վերափոխման առնչությամբ: Հետևաբար կարևոր է ունենալ հստակ պատկերացում, թե ինչ պետք է ստացվի արդյունքում: Տների վերանորոգումը սկսելիս պետք է ուշադիր մտածել բոլոր փուլերը և նպատակասլացորեն հետևել մտացածի իրականացմանը: Ինչպես անել դա, կհուշի այս հոդվածը: